قالوا ربيعٍ للعرب قلت هيهات

[الطائر المهاجر]

ما يجري في بعض الدول العربيه تنفيذ لمخطط صهيوني يهدف الى اضعاف
الدول العربيه وجعلها لقمة سائغه للتوسع الإسرائيلي لتحقيق الخلم اليهودي
"وطنك يا اسرائيلي من الفرات الى النيلي" ، لكنهم لن يكتفوا بذلك

قالوا ربيعٍ للعرب قلت هيهات = ماغير نارٍ اشعلتها السياسه
صهيون خطط والعرب في متاهات= لاضعافهم من شان ربعه وناسه
ويسهل على اسرائيل ضم الدويلات= في دولة كبرى تقوي اساسه
حلم قديم يرسموا له بخطوات= ماله حدود وكل دربه خساسه
والعرب نوما مادروا بالرسومات= والبعض منهم مشترك ف النجاسه
والبعض دلخٍ لو عطوا له مقامات= يحسبه وامن لا مشى بالتياسه
اوراق ترفع ثم تحرق بلحظات= والذيب واحد لو يغيّر لباسه
صهيون سيد القوم في كل الاوقات= بالغرب والا الشرق راع الرياسه
هم يحكمون ولو نشوف انتخابات= حكام خلف الظل عقل وكياسه
باموالهم يشرون شعب وحكومات= واموالنا ببنوكهم بانتكاسه
وهم طوروا علمٍ وصل للمجرات= وحنا نورّد من قشور الهياسه
وحنا نتناحر لو على ادنى تفاهات= وهم كتلة وحده بزرع وغراسه
ايّة ربيع والعرب راحوا اشتات= واية ربيع والقتل في شراسه
من قبل ما نحرر عقول بها آفات= صيورنا تشريد هم وتعاسه

[سااامر]

صح لسااااااانك ودام ابداعك

ماقلت الا حقايق

[محمد بن عمار]

صح لسانك ياعود ودام هتانك

[منيع]

جزل ولك ابعاد وحقائق قد تكون مغيبة لدى الغير
شكرا لك
تحياتي

[حي الضمير]

والله خير الماكرين سبحانه

ولافض فوك ابوعبدالله
ابدعت حيل ياعلم

[الـزلـزال]

الطائر المهاجر

نص مميز وجزل وهادف
من شاعر عودنا على تميز حروف شعره وأتقانها
أبدعت وأمتعت طائرنا
حلق بحروف شعرك ولنا الأستمتاع بها
صح لسانك ملايين ملايين
ولك فائق تحياتي وتقديري

[زهرة اللوتس]

اصبت لله درك
صح لسانك جزله وهادفه
تحياتي

[داعي الشوق]

صح لسسسانك و اعتلا شانك يا بو عبدالله

و يمكرون ويمكر الله ،،

ولاهنت يا مبدع

مع تحياتي لك

[الكايدي]

رائعة تستحق الإعجاب
صح لسانك وسلم راسك
تحيتي واحترامي

[الراقي]

صح السانك على هـــ الجميلــــة
رائع شعرا و حضورا
دمت بِكُلِ مَوَدَةٍ

ولك ارق التحايا