لي ديرة من عزها(وطنيه)

[الطائر المهاجر]

لي ديــرة من عزها توهج الشمس = ومن مجدها طاع المجد ما عصاهـا
إن قلت درّة قالن الـــدرّ في همس= نخجـل نجاريهـا بلمعـة سناهـا
منـــارة الإسـلام واركانه الخمس= وحصن العرب من ضيمها أو عناها
حنا العرب وأصل العرب يومها وامس= وحنا حمـاة الــدين من مبتداهـا
وحنا الحضـار في الحضارة لنا لمس= وحنـا الكرم والمرجلة في ذراهـا
مهما يكـون الحقـد من جن أو أنس= منصورةٍ ياديرتـــي في مناهـا
وحنا الفهـد مثل الفهد ما بقى جنس= وحنـا أبـو متعب مروّض عـداها
وحنـا ابـو فهد إذا تلمع الخنس= برق الكرم والجـود غطّى سماهـا
هـذي بـلادي بالنقـا ترفض الدنس= بـدينٍ وعقـلٍ ثابتـات خطاهـا

[منيع]

جزلة ورائعه
ودام عزك ياوطن
تسلم يادكتور
تحياتي لكم

[عبدالله الشويمان]

صح لسانك يالعود

دائما جزل

دمت بخير ولا هنت

[الطامي]

صح السانك دكتور
رائعة ووافيه
لاهنت

[داعي الشوق]

يستاهل الوطن .. الله يرحم من غاب

ويطول عمر من بقى

وصح لسانك بو عبدالله

[بنت النور]

صح لسانك يادكتور
ابيات في قمة الروعه
لاهنت

[داعي الشوق]

الوطن غالي ويستحق الكثير
صح لسانك وفكرك

[جهاد الشعلان]

مبدع كعادتك

الله يديم علينا الأمن والأمان

صح لسانك يادكتور

تقبل مروري

[الطائر المهاجر]

شكرا منيع
على كريم المتابعه
لاهنت
اطيب التحيه

[الطائر المهاجر]

شكرا ابوبدر
على كريم المتابعه
لاهنت
اطيب التحيه