يافهد

[حمود السكراني]

يافهد كم ناديت لاشك ماوحيت =ماشاف عمك يافهد سامعٍ له
يافهد شفت الناس تلفت ملافيت=تضحك وكلٍ واسمٍ فيه غًله
ياكثر من هو يوقد النار بالزيت= ياكثر من شت الشَمل جايز لًه
يضْحك ويضحك لك اذاشافك اغفيت=عدى وتعدى لمنزلك واستحًله
يافهد لاتنشد عن عمادة البيت = انشد عن اللي شايل البيت كلًه
دايم زوايا البيت هي بيرق الصيت= ولتهاوت طاح من البيت جلًه
يافهد لو ناديت ماكن ناديت =عيت تلب عقولهم غايةٍ له
ناديتهم وبديت ورشدت ومليت= بينت لهم اسرارها بكل ملًة
وقلت اتركوني ماظهرت وتبديت= لمزاحمِ حيٍ ولاكايدٍ له
شفي يصون الحي ماورث الميت=ويرقى بروس النايفات المطًلة
وعصمت نفسي عن هواها وتتقيت=ومن زل في عثرة علينا نقًله
وقلت ان عقدت العقد وان كان حليت=انتم سحاب الخير وحمود ظًله

[منيع]

مبدع ومميز
كل الشكر لكم
تحياتي وتقديري

[روح الشعر]

حمود السكراني

صح لسانك يابعدى جزله من جزل

لاهان منطوقك

تحيتي

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[عبدالعزيز العمار]

صح لسانك ياحمود

رائع في كل حالاتك

تحياتي لك

[حمود السكراني]

منيع مشكور يالغلا لاعدمتك شرفت أخيك يالغلا

[حمود السكراني]

روح الشعر كلك ذوق لاعدمتك ودي الخالص

[حمود السكراني]

الطائر المهاجر مرورك شهادة نعتز بها كل الشكر

[حمود السكراني]

عبدالعزيز العمار هلابك شرفتني يالغلا مشكور لاعدمتك

[داعي الشوق]

صح لسانك يا حمود

قصيدة جميلة تحمل في طياتها رسالة هادفه

صح لسانك مدد

ولاهنت