تقولين الفجر طالع(بالصوت)

[الطائر المهاجر]

تقولين الفجر طـالع وقلبي عايش ابليله = فانا خبري مع الاصباح تاهت مع ليـاليها
ادوّر طيـر يوقظني اغنّي مع تراتيـله = يصحّي روح ما نامت تهوجس في محبيها
تناجي الليل والقمرى وحلمٍ صعب تأويله = وتبحر ما لقت مينـا من الأيّـام يحميها
تشوف الكـون بعيوني ظـلامٍ لو قناديله = على غيري تنير دروب باوهامه يخاويها
وخفـافيش تمص الدم بذيبٍ واهنٍ حيله = يطـالع كنّه المسبوه ما يقـوى تحـدّيها
مجاديف الأمل ضاعت بوقتٍ واضحٍ ميله = وشراعي في مهب الريح من خوفه يداريها
تعـالي واسمعي قلبٍ يعاني من كثر ويله = وهموم الوقت والساعه بروحٍ صاح ناعيها
تعـالي وامسكي يدّي ابنهض بعد تكبيله = تلاشى العزم والنيران شبت في محانيها
ابمشي دربنا خطوه معك وافهم تفاصيله = فخطوه بالنهـار ولا عشر والليل يعميها
انا ادري حبنا العذري وتدري صعب تفعيله = مدام الوضع ما يسمح نصيحه لاتخليها
ترى حبٍّ على وضح النقـا تثبت مخاييله = ورود الحب تنبت به ولو صحرا اراضيها
مثل هالحب بالعشره يجي باحـلا تساهيله = مثـل طيرين تتـآلف بعشٍّ من خوافيها
وزواج الغصب ينتج كره مهما كان تدليله = وزواج المصلحه يفشل ولو خفيت مراميها
عليك ابحـرّ شيهانٍ ولـو قلّت به الحيله = وخلي البوم والحصني ولو كبرت مخابيها
بامـان الله يا حبـي ابنعس باقي الليـله = الين الشمس ما تطلع وتوقظ من رقد فيها

[الأموره]

يا سلام يالمهآجر

الله عليك و على إبدآعك

تبآرك الرحمن

صح لسـآنك ملايين

سلمت و سلم فكرك

الف شكر لك

دمت برعاية الخالق

[الطائر المهاجر]

شكرا للأموره
على كريم الحضو روالتفاعل
لاهنتي
تحياتي

[عبدالله راشد الثويني]

أستاذي المُبدع الشاعر / الطائر المهاجر
صح لسانك مليون ولا يكفون
شاعر ومرضي ذائقه كل الاصناف
خطط على نيل المعالي ونــــاله

وُدي لشخصك الكريم

[رفيعة الشان]

ابمشي دربنا خطوه معك وافهم تفاصيلـه
فخطوه بالنهار ولا عشر والليـل يعميهـا
انا ادري حبنا العذري وتدري صعب تفعيله
مدام الوضع ما يسمح نصيحـه لاتخليهـا
ترى حبٍّ على وضح النقا تثبت مخاييلـه
ورود الحب تنبت به ولو صحرا اراضيها

الله
الله الله
الله
رااائع ما قرأته هنا شاعرنا
بصراحه اسلووب شيّق جداّ
ويدعوك لانهاء البيت لترى مابعده
وااافي وماقصرت

فصح الله لسانك مليووون

ولااهنت

[منيع]

ابيات رائعة
بارك الله فيك
تحياتي وتقديري

[نجم الإبداع]

الطائر المهاجر

صح لسانك وفكرك

نبضات عاشق وأنات قلب

ابدعت

لاهنت

تقبل مروري

وتقديري

[عذب القوافي]

صح لسانك

دائما ً جزل أبوعبدالله

يعافيك ربي يالغالي ,,,,,,,,,,

[محمد عبدالله البدراني]

الله الله الله


حي هالصووووووووووووووووووووووت


يابو عبدالله


ياعله صوت مايختفي


الصوت الشجي الصوت الحنون



مليون مليون مليون صح السانك

مليون صح صووووووووووتك

جزله من جزل


عذبه من مصدر العذوبه


لله دررررررررررررك يالطائر المهاجر


وبيض الله وجهك




تحيتي
مع اسمى ايات الشكر فائق التقدير واطيب المنى رعاك الاله

[فهد حنس العتيبي]

وزواج الغصب ينتج كره مهما كان تدليله
وزواج المصلحه يفشل ولو خفيت مرا

الطائر المهاجر
ما اجمل القصيده ذات السلاسه فان محلها القلوب قبل العقول
وهذا البيت لا اعتقد ان سبقك عليه احد

حكمه متناهيه لمشكله اجتماعيه هي الغصب او التحجير
على غير هوى الحبيب والحبيبه