اموت بالعز لا بالعيش مذلول

[عبدالله البهلولي]

الهي عمري المحسوب كله = تخله مثل حيد العز مصقول
اعيش بالعز او روحي تشله = اموت بالعز لا بالعيش مذلول
فخير العيش ذي ما له مذله = وطيب العمر بالخلان مدبول
كفاف العيش ونعم به وضله = ولا مبطون ناهب كل محصول
طلبت العافيه لو وسط سله = وعفوك خير من مليار محمول
فكم مالك اراضي بعد فله = وكم مليار له بالبنك مقفول
وجسمه فيه عله والف عله = حياته لو ترى كالوبر مشلول
تمنى لو يعيش من دون شله = معافا دون ان ينظر لتنتول
بخيل النفس ما يعطي بسله = وجود النفس تنعش كل مبتول
ومن يشمخ على الباقين زله = فقلبه من فعال الخير معلول
لو انه طل نحو الجار طله = لحس الضيق ذي بالجار مشمول
وتنظيم العمر ياناس غله = ومن نظم كسب ما كان مأمول
ومن ينقل فقل ياذاك وله = ولو حتى كلامه كان معسول
فكم من سم حطوه وسط حله = لها منظر وفيها سم مبلول
وكون للجيد صاحب مثل ظله = ويوم الكر تلقاه سيل مسيول
ومن توجد كلامه حمق طله = مضيع ما بناه كالقفل مغلول
وكذاب الرفاق ياصاح خله = ترى الكذاب يعدي مثل مسلول
وذي مهموم حاول ان تسله = عساك للخير بالنيات مرسول

[الأموره]

البهلولـي ،،

صـح لسـآنك ملآيين يخوي

سلمت و سلم فكرك

ألف شكر لك

دمت برعآية الخآلق ،

[حرف وشعر]

الله الله رائع انت ياشاعرنا القدير عبدالله البهلولي

امتعتني فعلا بهذه الباذخه

تقبل مروري

[مبروك بن ماضي]

الاخ الفاضل الشاعر / عبدالله البهلولي
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي

[الخنساء]

صح لسانك اخى الشاعر البهلولي

لاهان راسك قصيدة رائعة

سلمت ودمت بخير

[الطائر المهاجر]

بوح رائع من شاعر رائع
لاهنت ولاهان مغليك
صح لسانك مليون
تحياتي العطره

[داعي الشوق]

صح لسانك يالشاعر

قصيدة جميلة من شاعر أجمل

أبدعت وما قصرت

تحيتي

،،،،،،،،،،

[محمد عبدالله البدراني]

العزيز الموقر عبدالله البهلولي سلمه الله


صح السانك ياعبدالله وعلا شانك

لاهنت يالغالي

ونحرص على تواجدك دوما كما يهمنا تفاعلك معنا

لله درررررررررررررك ياعبدالله

وبيض الله وجهك

ابيات جميله جدا


اتمنى اطلاعك هنا للأهميه:

http://www.fatahilah.com/showthread.php?t=23826


ودمت بخير حال


تحياتي
مع اسمى ايات الشكر فائق التقدير واطيب المنى رعاك الاله

[ابومياس]

طبيبنا البهلولي العزيز

اهلا وسهلا بك

لقد نقلت احاسيسك الرائعة

ونضمت جميل الحروف

صح لسانك

دمت بخير

[سناعيس]

صح لسانك يالبهلولي
على هذه القصيدة الرائعه

والله لايهينك


تحياتي