السامريّة . مسندة لمالك بن الريب

[ماجد الزيد]

وقوف شعري لخمسة دقائق تكريماً لقامته

إن جيت الحنها على السامرية =عوّت ربابة طارف الصدر ياهيه
القوس ضلعي وخافقي جاونية=والشيخ راسي لا طلبني , ملبيه
ياصحبة الجن فزّعوا البابليّة=لسهيل من ركن اليماني نخاويه
جنّية ٍ تضرس عليهم قويّة =دهور معها سهيل حاميه , حاميه
انما تغديت الزمن في يديه =الا تعشاء بي ونا الموت مابيه
مثلي يعيش إن عاشت مْحمّديّة=وموته ليا شاف الجنايز تشاكيه
من زود ماهي ضاعت الاحمدية=الوقت كبرت من همومي علابيه
ماني ونا ماجد أمير الحميّة =إنما وسمت ابليس والعن عوانيه
خمس الجهات وحوش ماهي شويّه=وش حيلة الي مالقى برج ياويه
يضرب على الكايد وربّ البريّه =بيده نجاتي أو مماتي ولبيه
لبيه ياجزل العطا والعطيّة =أمانة وحقي على الله أدعيه
أدعيك يارب المعارج وايديّه =تبللت من صافي الدمع , حاميه
شفت الرضا منّك بأعظم هديّة=وجه النبي من زارني وفيه مافيه
النور والرضوان خيّم عليّه =خمسة ليالي كل يوم ٍ أناجيه
يضحك بوجهي باللقا ., والمعيّة=ابو بكر ويّا علي من حواليه
والبدرُ قد شعّت بهِ السّرمديّة=نورٌ سباني طهرهُ في معاليه
بالله يالي راكبين المطيّة =اصيلة صفرا سناها تغطيه
دزوا على الي يكرم الشاذلية=بيض النوايا في خفوقه تغذيه
مالك / سلام الله صبح وعشيّة =من خافق اللي بيض الأيام تدعيه 1
ما يشرب الماء غير سمح الطّوية=بير ٍ عن عيون الملاعين غاطيه
اشرب قراح وحسّ طعم العليّه=تنفّس الخضراء وخشمك بعاليه
المسك والريحان بالأخيليّة =بيضا لها قلب ٍ محمّد مربيه
تنقى الفحول مضربين العبيّة=الي حوافرهم على الشرك تفريه
شفت الزمان الي لعن بي بيّه=شقلب موازين البشر كان توحيه
والله ثم تالله ماشفت زيّه=الا زمن فرعون ثم عالم التيه
استعبد الأوباش من قوّ غيّه =ماهوب ربّ وشفّ وش النّاس تدعيه
الله بعث والنّاس سكرى , نبيّه =لكنّ موسى نفوس الأوغاد تعصيه
النّفس لا طبعت على السّو , عيّة = لا المعجزة تنفع ولا الحق تبغيه
و السامري ساق البشر للخطيّة=تحت الذهب ركّع والآمال ترجيه
إلا تموت أجيال , والشّمس حيّه =مشراقها الغربي سنين ٍ مواريه
الباهشة حلّت وياهي قويّة = بأخفافها تضرب على طويق تمحيه !
الله يكافي شرّها من بليّة =هاجت وماجت والفتى يصفق ايديه
شيعة وسنّة للمسوني عطيّة = فرّق شتات وشتت اوطان يا بيه
ثورات جوع ومال وأشياء زيّه = ماهي على نهج النبي ومن مشى فيه
للْحق عليها كيّة براس كيّة =اما تطيب او صرت ناصح اهاليه
الحرب تبدا بنت ياهي فتيّة =الكل يعشق شمّها من تناديه
تهرم بساع ونابها ناب حيّة =قريصها ما والله أحد بيداويه
يالله تنصر من طموحه سميّة = اللي عشق طـه له سنين يبكيه
لو طاول الهيكل نجوم العليّة =بالارض دين الله إلا يساويه
يا راكب الي تسبق النور , نِيّه =عسى خفوقي للمدينة تودّيه
لو ضلوعي طار كالرّاعبيّة =يم النّبي من شوق روحي تراعيه
ون جيت الحنها على السامرية =قامت تهدّر ساعة الحقّ , وأخفيه

[/poem]

[منصور العبدالله]

الله الله الله

باسقه ورائعه
سرنى مصافحتها اولا

صح لسانك يا ماجد فانت تنحت من صخر جزل المعانى

[حي الضمير]

مدد صح لسااانك شاعرنا النجم ابوحمد
ابدعت وامتعت
ولافض فوك شاعرنا المميز

[داعي الشوق]

صح لسااااااااااااااااااااانك يا بو حمد

و الله يعيذنا من الجن و همزات الشياطين

ولاهنت

[فايز بن جبيل]

صح اللسانك ياماجد على هذه السامرية والشاذلية الكايفة

كل الود والتقدير

[الطامي]

هلا الزيد
صح السانك ملايين
رائعة وشامخة من شاعر في من يستحق
لافض فوك اخي
شكرا لك

[فارس القوافي]

ماجد مساء الفل

انت لحالك تسبح في فضاء

وتغرد خارج الاسراب

انـــمــــا تــغــديـــت الـــزمــــن فــــــــي يــــديــــه =الا تـعـشــاء بـــــي ونـــــا الــمـــوت مـابــيــه
صح لسانك ولا هنت
يعطيك العافية
دمت بخير

[سعيد عوده الحويطي]

لله درك ياماجد الزيد والله انها شامخة شموخ شاعرها ويحق لها ان تعانق السحاب لقد قراتها ثم سمعتها وفي كل الحالتين استمتعت بها وسوف اعود اليها مرة اخرى لك تحياتي وتقديري

[عطر الياسمين]

صح لسانك ملاااااااايين
نص جميل
تقبل تحياتي

[منيع]

ماجد الزيد
شاعر عملاق ومبدع دائما
ودي وتقديري