سلام ياحرب المواقف

[ابراهيم غضيان الشراري]

[

font="arial black"]من لايشكر الناس لايشكر الله
إهداء ألى قبيلة حرب بصفة عامة.وللأخ العزيز سعادة العقيد:محمد بن جزاء العياضي الحربي قائد قوة أمن الطرق بمنطقة الجوف بصفة خاصة.
ســـلام ياحـرب الـمواقـف

[/font]

سلام ياحرب المواقف والامجاد=من شاعر صادق وصدره شمالي
لكم لكم ياخيرة الناس الاجواد=ماهو نفاق أقسم برب الجلالي
شبابكم واطفالكم عقب الاعواد=من كل فرد يطول منه وينالي
ياحرب عنكم منبع الطيب ماحاد= عندي جواب وليه أدور سؤالي
وقفاتكم ماتعرف حدود وابعاد = ياقروم نجد أبمدنها والسهالي
ارداكم الي علمة بروس الاشهاد= عند اللوازم يرتكي للثقالي
وصدوركم قبل المجالس بها شاد= من جالكم ياوافيين الخصالي
خوة رجال وعزة النفس تزداد=دون الخوي يرخص لكم كل غالي
والطيب فيكم بين صادر ووراد= متوارثينه ياقروم الرجالي
ماتعرفون الغدر والبوق لو ساد= جوع الكفر ما ترتظون الخمالي
عنكم عطونا اباءنا علم الاجداد= عن فعل أهلكم بالسنين الخوالي
مع جاركم ياما تقاسمتوا الزاد= ومع الخوي عضد وسند وارتجالي
والواقع الي ساد من فوق الاسياد= يركع ذليل أن شاف قرم العيالي
يثبت الى منه زعل مثل الاوتاد= حتى يطول الي يبيه وينالي
يالابة الفزعة بحزات الانكاد= يامنبع الطيب وسمو المعالي
ياحرب هذا هو ولدكم ويزداد= طيب وشموخ وعز ماله مثالي
الناس في وادي وهو عنهم بواد=همه يروم النايفات العوالي
كل يوم يولد له من المجد ميلاد=طبعه كذا ماهو كبر أو تعالي
تجي له الدنياء على كيف ماراد= واذا سعى جاب الصعيب المحالي
يقود له قوات ضباط وافراد=حكمة وحنكة واعتدال وكمالي
ماجاء يتعود جالنا القرم معتاد= من فعل أبوه ولابته والخوالي
صدره فياض ورادع أعقول الاوغاد=لين وقاسي ميلته باعتدالي
وأن قال يفعل وأن وعد يوفي اوكاد= يرسي كما ترسي رواسي الجبالي
من قبل عرفه صرت سرداد مرداد= ومن كثرة التفكير مشغول بالي
ساقتني الصدفه على نسل الاجواد= ورميت حملي وارتكاله وشالي
ويلي عن أسم أبن الاجاويد نشاد=أسمة وعلمة عز لاجا مجالي
هذا (محمد بن جزاء) درع وسناد= القاه لاجار الزمن لي موالي
(أبوفهد) كن المراجل له اولاد= والطيب يندى من يمين لشمالي
بينه وبين ابهاجة الروح ميعاد= ذيب(ن) تعرفة زين سود الليالي
(يابوفهد) يالله عسى ايامك أعياد=جمعت شملي يالوفي في عيالي
=الشاعر / إبراهيم بن غضيان الشراري

[مشعل التريباني]

ابراهيم غضيان الشراري
ابدعت وامتعت لافظ فوك يابراهيم
يستاهلون الاجواد من ادرك شي يستاهله
وحرب اهل طيب من دور نويشي الحربي
ندخل على الله وكل القبائل فيها الخير شكرالك
ايها الشاعر الرائع واللي مايذكر الطيبين مابه خير
مايذكر الطيبين الا الطيب شرواك تحياتي لك يابراهيم

[عبدالله الشويمان]

صح السانك يا اخ ابراهيم

قصيده جزله والطيب يستاهل..

لا هنت لا هنت

[الطائر المهاجر]

صح لسانك
طيبه من طيب
لاهنت
تحياتي

[منيع]

ابيات اكثر من رائعة
والطيب يستاهل وكل يذكر بفعلة
تحياتي لكم

[هترل]

ياسلاام
صح لسانك يابو غضيان ملاايين
نص جميل وشاعر مبدع لاهنت
وراع الطيب يستاهل


تحياتي وتقديري

[صنداح الزلامى]

الشاعر ابراهيم غضيان الشراري

صح الله لسانك وبيض الله وجهك يستاهلون
حرب ومن يقدم الطيبه يحصلها عند الرجال

[داعي الشوق]

صح لساانك ابو غضيان

و يستاهل المدح راعيه

و النعم بحرب و كل القبايل ،،

وافي و ابدعت يالشاعر

ولاهنت يا مبدع

[الطعيمي]

صح لسانك وفكرك
مليون × مليون ولاتكفي
لاهنت يالغالي
تحياتي واحترامي

[سعود بن سنيد]

الشاعر ابراهيم غضيان الشراري

صح لسااااااااانك وبيض الله وجهك


يستاهلون
حرب ومن يقدم الطيبه يحصلها


تقبل مروري من هنا لاهنت