كلمة ياليت

[مشعل التريباني]

بسم الله الرحمن الرحيم

الشاعر\مشعل عسام التريباني الشمري

( كلمة ياليت)


البارحة هاج الظمير وقلت ياشعري عليـــت (1) خابرك جزلات المثايل تعتني بشموعهـــــــــا


يادار دولاب الظماير باالمثايــــل وابتديــــت (2) اصوغ قيفان المثايل ساسهـــا وافروعهــــــا


ازن بيوت الشعر يامني على نظمه نويــــت (3) من حسنها تر خيلها الصمان سمع سموعهـا


انا بسوق الموهبه طبيت ثم بعت وشريـــــت (4) ابيع هزله واشتري جزلـــه تجي من طوعها


امتع الجمهور في قيفان شعري بيت بيــــــت (5) مثايلٍ يلفت نظر مــــــــن يستمع موضوعها


موضوعها ان الهرج يامنك تكلمت وحكيـــت (6) كلمتك وازن لفظها قدام وقـــــت طلوعهـــــا


ترى الى منك بوسط الناس للعو جار ميـــــت (7) تصير كل هروجك اللــــي قلت تشبه نوعهـا


ماينفع التسويف يامن قلت ليتـــــي ماحكيـــت (8) ماتنترجع كلمتك مهما بغيت ارجوعهــــــــا


وترى الكلام الى ظهر ماينفعك قولـــــة ياليت (9) تمشي به العوجان ثم تشركك في مشروعها


وتصير مكروهن مع العالم الى منك لفيــــــت (10) تشوف حقرانك مع اناسٍ تعز جموعهـــــا


وتصير شوده بين خلق الله الى منك طريــت (11) كلٍ يقــــــول اشكال هذا لله يقطع نوعهــــا


عن مثل هذا عز نفسك كان تبغى زود صيـت (12) روم العلى مع عالمٍ تسمو بزين طبوعهـــا


اصحى تزل الى حكيت ولاتمن الى عطيــــــت (13) ولاتواخذ راعي الزلات عند وقوعهـــــــــا


من شان تصفي لك عباد الله يامنك صفيـــــت (14) من لاتواضع للبشر صعبه يجي متبوعهـا


تر التواضع من صفات اهل الرجوله ياقويــت (15) والكبر من طبع اللأم الي قليل سنوعهـــــا


اصحى تعيل ولاتهاون بالشدايد يا بتليـــــــــت (16) لاخير برجالٍ تشح اكواعها عن بوعهـــا

[منيع]

جزل ومبدع
شكرالك
تحياتي

[سعيد عوده الحويطي]

صح لسانك مشعل التريباني. قصيد جزله وموضوع في الصميم. دمت ودام فكرك.

[الطائر المهاجر]

صح لسانك
طيبه من طيب
لاهنت
تحياتي

[داعي الشوق]

قصيدة جزله بمعناها و مبناها يا جزل

لله دررك يالشاعر

ولاهنت و صح كلك

[عيادة الجهيلي]

ياسلام ياسلام ياسلام ياتاج راسي انت يالغالي

[عبدالمحسن الرحمه]

درر متناثرة من غطاس ماهر لله درك صح السانك

[الشعيبي]

قصيده من الطراز الاول
صح لسانك وقلبك
ولاهان راسك
اطيب التحيه

[الخنساء]

اصحى تزل الى حكيت ولاتمن الى عطيــــــت (13) ولاتواخذ راعي الزلات عند وقوعهـــــــــا


من شان تصفي لك عباد الله يامنك صفيـــــت (14) من لاتواضع للبشر صعبه يجي متبوعهـا


تر التواضع من صفات اهل الرجوله ياقويــت (15) والكبر من طبع اللأم الي قليل سنوعهـــــا


صح لسانك مليووووووون

لاهنت ودام حرفك

[الطامي]

التريباني
صح السانك ملايين
حكم و وفوائد من مجرب
لاهنت اخي