اذا من الفتى عزم يكمل ..في الزواج (بالصوت)

[الطائر المهاجر]

بصوت المنشد خازباز

إذا من الفتى عزّم يكمّل نصفه الثاني= يبي له من بنات العرب من تفهم تقاليده
فبنت اليوم لو تلقى رجل في ثوبه إنساني= يلاقي عندها الطيبه وحبٍ سهل تخليده
تبي من رجلها بعض الثقه في كل ميداني = واذا صغيره يوجهها بلطفٍ دون تعقيده
ولا يتصيّد الاخطاء ويعاملها بحقراني= فكلٍ فيه من عيبه اذا فكّر بتحديده
فلا هي سلعةٍ عنده شراها بعال الاثماني = لأنه رجل ما يكفي يهين الحر ويكيده
مشاكلنا عقول صغار ما تفهم ولا تداني = اذا المرأة تناقش وضع وفكره لوهي جديده
يبيهـا جسم لا تفكير وآله مالها لساني= تقاليدٍ ورثناها وزعمٍ طال ترديده
واذا منه زعل طلق هدم بيته بالاركاني = حماقه تكشف التفكير وتفتح جرح وتزيده
الا يا بنت لا ترضي خطيبٍ دون برهاني = على عقل وعلى خلق وتعرفي كيف تأكيده
حذاري مدمن الخمره ولو مهره بلاوزاني = وراع الكيف والحبّه لعقله نقص ما تزيده
ولا يخدعك من تفتف فبعضٍ دون إيماني = اذا منه لعب نكّد يبي حقّه وتزويده
ولا ترضي {بمتأمرك} يقول الربع صدقاني= تعالي خدّمي ربعي ترى التعقيد ماريده
مثل خنزيرلا غيره ولو حاول بك فلاني= خصوصا لاقلب راسه وصرتي مطمع وصيده
ولا من تعرفي اهله ذهب في كل الازماني = ترى النيران بتورث رمادٍ صعب تهجيده
انا ادري صعب تختاري إذا ما عندك اخواني= حريصين على وضعك بفكر ونظره ابعيده
تطبّي ما دريتي غصب ويبدا الدمع هتّاني = تبي المخلاص ياصعبه وتعيشي العمر تنهيده
واذا منك لقيتي رجل ما يوزن بميزاني=ولو ماهو غنيٍ امسكي به دون ترديده
ولا تتأثري من هرج طايش دون برهاني= ترى النسوان تحسد بعضها بالقول وتزيده

[صعبة المنال]

جزلة

سلمت وصح لسانك

صعووب

[نفحات حساسة]

اى والله صدقت
صح الله لسانك..ولاهنت

[الطائر المهاجر]

شكرا صعبة المنال
على كريم المتابعه
لاهنتي
تحياتي

[منيع]

ابيات رائعة وهادفة
شكرا لك
تحياتي

[الطامي]

ياكثرهم من هالنمونه
وصح السانك
الله يصلح لنا الذريه ويوفقهم
لاهنت بو عبدالله

[الطائر المهاجر]

شكرا نفحات
على كريم المتابعه
لاهنتي
تحياتي

[الطائر المهاجر]

شكرا الطامي
على كريم المتابعه
لاهنت
تحياتي

[الطائر المهاجر]

شكرا منيغ
على كريم المتابعه
لاهنت
تحياتي