معايد القريتيني

[سهيل الشمري]

قِدْ قِيل مايِجْمعْ بمرْبطْ حِصانين = وقِدْ قِيل ضاع معايِدْ القرْيتينِي
يالدّين وابْشِرْ باللي يوفّي الدّين = وترْ الجروح اِقْصاص عين ٍ بعيني
والزّين ردّه زين والشّين بالشّين = والبيّنه تِحْتاج للشّاهِدِيني
وانا مسارِي ماتعدّا قوانين = والصّدْق حبْلهْ ماسِكه في يِمِيني
ماخْلفْت وعْدي من هكا الوقْت للحين = وبْحول ربّي لين مايْحِين حِيني
هذاااااه يسْري في عروق وشرايين = مِتْوارِثه من ناسِي الأوّليني
نوّفْ لميزاني بِكِلّ المِوازين = ماهو بْمدْحٍ لي ولكّنّ يقِيني
وياحلْو برّاق ٍ شعقْ ليلة إثْنين = أفْضى سِواد اللّيل في مُقْلتيني
هلّت ثِعوله وارْتوتْ بهْ بساتين =وفكّتْ طلاسم غامضهْ مِنْ سِنيني
والْحين اقولهْ كلّ ابوهمْ مِساكين = الهايمين فْبعْض والبايقيني
عِنْدي شِياهين ٍ تِفوق الشّياهين = إلْهُمْ مخالبْ لهْ مِضاربْ تِبِيني
وافين وبْربّ المخاليق وافين = صيداتهمْ شبْعوا بها جايعيني
ولله درّ العِلْم اقوله ملايين = جاوبْ سؤال ودلّ للتّايهيني
واعيدها مابالمرابط حصانين = وفعلا ضِياع اِمْعايدْ القرْيتيني

[داعي الشوق]

صح لساااااااااانك مليوووووون يا سهيل

حضرت و حضر الابداع

قصيدة جميلة و جزلة المعنى

صح لسانك يا مبدع

ولاهنت

***********

[منيع]

ماخْلفْت وعْدي من هكا الوقْت للحين
وبْحـول ربّـي ليـن مايْحِـيـن حِيـنـي

ماشاء الله عليك
وانت حقا وافي ومبدع
ربي يرعاك
تحياتي

[كظيم]

سهيل الشمري
الله عليك
صح لسانك وفكرك
نص في قمة الجزاله والروعـه
ابدعت لله درك
تقبل مروري المتواضع لاهنت
ودي وتقديري

[صعبة المنال]

الحمد لله ع السلامة
جزلة ووافية

صح نبضك

صعووووب

[سناعيس]

مابالمرابـط حصانيـن
صدقت يابو ضاري
لكن وش الطاري يابعدي ههههه
صح لسانك ولاهنت يالغالي

تحياتي

[عمر ال شيبي]

صدقت وصح لسانك لا هنت

[المحيط الهادي]

الله الله

قصيده قمة الجمال والروعه صح الله لسانك

[عبدالعزيز العمار]

صح لسانك ياسهيل وجاد بيانك

كتبت فأبدعت وأجزلت

تحياتي وتقديري

[عبدالعزيز ابراهيم المنصور]

سهيل الشمري
لافض فوك
سلمت ولاهنت
دمت بخير