دولة(ن) قامت على ساس ومبادي=بالرجال الطيبة والله غنية@@

[ابراهيم بن سعد]

السلام عليكم ورحمة الله وبركاته ...ومساكم الله بالخير جميعا كل(ن) باسمه ...


اتمنى ان تنال استحسانكم هذه القصيده الوطنية...

ابتدي باسم الولي رب العبادي=عالم الاسرار خلاق البرية
بالتحية للشفيع وخير هادي=النبي المصطفى يا اهل الحمية
فدوة(ن) له كلنا ضد المعادي=خايب وخسران من يترك نبية
عز الامة عزها حرب وجهادي=خاب منهو ناوي(ن) فينا الردية
عايشين(ن) في بلد نعم البلادي=سطروها بالحروف الابجدية
دولة(ن) قامت على ساس ومبادي=بالرجال الطيبة والله غنية
تحت حكم اللي لهم صبر وجلادي=السعود محاربين الجاهلية
خادم البيتين يانعم القيادي=صارم(ن) بتار عنده مرحمية
تحت حكم الله مسيرها وكادي=عند كل الشعب جاله قابلية
من نوى بالسو كتف بالقيادي=يترك ان كانه يتوب من الخطية
به فعولن شيبت طفل المهادي=من شباب(ن) اخطو الطرق السوية
دلهم ربي على درب الرشادي=ينفعون بلادهم صبح وعشية
ما يطيح اللي تجود بالشدادي=من صعد يحسب حساب الجاذبية
شد يالفارس مقاضيب الجوادي=وانتبه للبينه واللي خفية
حق مرماها قبل ضغط الزنادي=الخطا ماا رضاه والنية مطية
والوطن غالي علينا باعتقادي=واجب انا نحمي الدار العذية

[الطائر المهاجر]

هلا ومرحبا بك أخي ابراهيم
صح لسانك وبيض الله وجهك
جزالة وقوة من شاعر مقتدر تجري
الوطنية في دمه
لاهان راسك يالغالي
تحياتي الطيبة

[ابراهيم السنيدي]

صح السانك ولاهنت اخوي الشاعر ابراهيم

ابدعت وقصيدة جزله

يعطيك الف عافيه

اخوك ابراهيم السنيدي

[سناعيس]

صح لسانك يا ابراهيم
قصيدة رائعه وجزله


تحياتي

هلابك الغالى
ومليون مع مليون
ولايسدوووووون
صح لسانك
واعتلا شانك
ولاهنت

احترامى وتقديرى

[الخنساء]

صح لسانك اخي الشاعر ابراهيم
قصيدة رااائعة ترجمت حب الوطن
نحن حميعا فداء لوطننا
سلمت وسلم شعرك
دمت بخير

[كريمة محمد]

قصيدة رااائعة بالفعل
تسلم لنا اناملك ودمت ولا هنت
تحياتى لك ايها المبدع

[نجم الإبداع]

ابراهيم بن سعد

صح لسانك وفكرك

قصيده وافيه ونبيله

لاهنت

تقبل مروري
وتحياتي

[حمد العيد]

الشاعر/ابراهيم بن سعد

بيض الله وجهك على هذا النص الفاخر والرائع

سلمت ولاهنت وصح لســــــــــــــــــــانك

ودي وتقديري

روض الغلااا

[بنت القصيد]

الله عليك يالقرم
جزله من جزل

بيض الله وجهك
تحياتي
اختك بنت القصيد .............