وختامها تقدير ..تقدير.. تقدير !!

[عايض المقاطي]

بكل الود أضعها بين أمامكم

والمكسب

بلا شك

رضاكم

,,

ياللي تقول منين يالله عسى خير=مدري جهل ما قلت ولا غشامه
لكن تركد ,واعقد السير بالسير=واسمع جوابي لين ياصل تمامه
من لابة فيها تحير التعابير=حتى فصيح القول يعجز كلامه
من لابة لا هب عج ومعاصير=تارد على الهيجا ,,برمح الشهامه
من لابة لا ضاق درب المعاسير=شرابة الفنجال برد وسلامه
بالمختصر حنا فعرف المناعير=روس العرب لا قيل وين الزعامه
عتيبي ولا تكثر عليك التفاكير=شفت الجمل شقران حنا سنامه
حنا هل الطاله طوال الشوابير=حنا عذاب اللي تغشه حلامه
حنا هل الفزعات حنا الشواهير=حنا صلاح الكون حنا عدامه
وحنا ليا جات الحميا دوافير=نفزع ولا نعرف طريق الندامه
أميرنا ابن حميد شوق الغنادير=فيصل حزام النا وحنا حزامه
لا جا نهار فيه ورد ومصادير=ولا نهار فيه مثل الرغامه
يشر لنا فيصل مع الجو ونغير=حر شهر,, وادمى جناح الحمامه
في نجد ولا في حجاز المذاخير=هداتنا من فوق حد الغمامه
أطلق شنب فينا يهز الطوابير=وأصغر شنب فينا.. يعاف الرخامه
من فعلنا يلقى عشا الذيب والطير=ومن فعلنا العالي يحول تهامه
بعض العرب يكفيه منا بواكير=وبعض العرب فوقه تحول خيامه
خوينا يلقى على الطيب تقدير=وقصيرنا دايم رفيع مقامه
وطليبنا لو طب في جمة البير=أما طلع ولا عليه أنهدامه
وخصيمنا لا حل وقت التدابير=يجفل من الراعه سواة النعامه
وليا جفل ماهوب مجفل على خير=يشوفنا كابوس حزة منامه
فينا كرم حاتم,, وفينا من الزير=شجاعة تاصل لحد الهيامه
انقلط الضيفان صفر المباهير=وتاخذ على حق الضيافه كرامه
وأصغر ولدنا لا نصوه المسايير=من طنخة فالراس طش العمامه
هذي عوايدنا ولا هي بأساطير=وينبيك عن فعل العتيبي علامه
يشهد لنا التاريخ قول وتحرير=برواية تروى ليوم القيامه
أمدح بني عمي وأصوغ التصاوير=ومدحة بني عمي عليه الزامه
وكان الشعر ما جا فيهم قناطير=والله لتوب اليوم وأعلن حرامه
وختامها تقدير.. تقدير.. تقدير=وكل"ن" على ماقيل اله احترامه

[/QUOTE]

[وليدالبسطي]

السلام عليكم ورحمةالله




اخوي الشاعر الشامخ




عايض المقاطي




صح لسانك وعلا شانك




والنعم منكم ياعتيبه



تحياتي





اخوك




وليدالبسطي

قل مـا نجد شاعـراً راقياً يكتب بهـذا الإحـساس

بالتوفيق يارب

لحرفك .. اجمل التحايا

[ابراهيم عبدالحميد]

عايض المقاطي

شكرا أخى لما جاء بين سطورك الثريه
كلمات ومعانى راقية ، رائعه و قمه فى الإبداع و التألق

سلمت يداك ودمت لنا

[سناعيس]

الشاعر عايض المقاطي

صح لسانك والله لايهينك
على هذه الجزله
شاعر جزل ومتمكن ياعايض

تحياتي

[داعي الشوق]

صح لسانك يالشاعر عايض المقاطي

وبيض الله وجهك

قصيدة عالية الشان من شاعر عالي الشان

لله درك

تحياتي وتقديري لك ،،،

[ابومياس]

صح لسانك ياعائض

نص جزل

دمت بخير

[عبدالله راشد الثويني]

الله عليك
شاعـر متألـق ومبدع بمعنى الكلمه
صح لسانك وعلى شآنـك ولا عدمنا هالتميـز
طامعين بجديدك
تقبل وُدي

[الخنساء]

صح لسانك اخي الشاعر عايض
لاهان راسك قصيدة رائعة
والنعم بالجميع
سلمت وسلم شعرك
دمت بخير

[النهج المختلف]

صح السانك ياعايض ,,,

الإبداع يتجدد دائما في حضورك ,,,

لاهنت يذيب كفيت ووفيت يالمقاطي ,,,

تحياتي وتقديري لك ,,,