يارسول الله

[سعيد عوده الحويطي]

يارسول الله سيد المرسلينا=الله اكبر كيف نرضى بالمهونه
الله اكبر كيف ناقف صامتينا=والنبي المختار جهرا يشتمونه
اليهود الكافرين الملحدينا=بغضهم للكون كله يظهرونه
بالمعاصي والفسوق مجاهرينا=والنبي باسواء صفاتٍ يرسمونه
اكملوها بفلم فتنه عارضينا=حسبي الله كيف قدروا يعرضونه
يمكروا والله خير الماكرينا=دمر الله كل مكرا يمكرونه
يعرفون الحق وهم له منكرينا=صفوة الخلق النصارى يعرفونه
يعرفونه بالحقيقه واليقينا= والله انه في كتبهم ياجدونه
رحمةٍ مهداه لكل العالمينا=صادقٍ مصدوق لو هم يجحدونه
امة الاسلام بهديه مقتدينا=انسهم والجن كلهم يتبعونه
الله المعبود والاسلام دينا=ومحمد اللي كل خلقه يرتضونه
بسنته وكتاب ربي مؤمنينا=ولانبدل ديننا لويبغضونه
ياعباد الله هبوا واقفينا=النبي واجب عليكم تنصرونه
وش بعد مليار مسلم ساكتينا=اذ رسول الله عجزوا يحتمونه
والله انا لووقفنا صادقينا=وقفة اللي دينهم مايخذلونه
عدونا والله مايجرأعلينا=ولاتجرأ كافر يفتّح عيونه
قولوا بعون الله كلنا مقاطعينا=لكل شيا في بلدهم ينتجونه
والله انا لو وقفنا ماشرينا=كل شيا في بلدهم يخسرونه
جاهدوا في الله بالحق المبينا=وبينوا الاسلام للي يجهلونه
هذا هو وقت الدعاة المخلصينا=بارك الله كل جهدٍ يبذلونه
دام فينا عاقلين وصالحينا=الحقيقه تدحض اللي يفترونه
لاوقفنا عند رب العالمينا=في نهار كل خلقه يشهدونه
ان مالقينا عذر للواجب علينا=مايفيد العذر من يرضى المهونه

[الطامي]

الحويطي
صح السانك
وافية من وافي
وصلى الله على نبينا وسلم
لاهنت وشكرا لك اخي

[الـزلـزال]

والله انـا لووقفنـا صادقيـنـا=وقفة اللـي دينهـم مايخذلونـه
عـدونـا والله مايجرأعلـيـنـا=ولاتجـرأ كافـر يفتّـح عيونـه

سعيد الحويطي


بوح رائع يحمل لنا رساله رائعه


من شاعر رائع ومميز

وجدنا في هذا البوح صدق وسمو المشاعر

وجدنا فيه نصره لخير الأمه


أبدعت شاعرنا في معاني بوحك رعاك الله




صح لسانك ملايين ملايين


تقبل فائق تحياتي

[سلطان العطاوي]

سعيد الحويطي
اللهم صلي على محمد
صح لسآآنك وأعتلا شانك
أبيآآآآت رائعـــه بروعة حضورك
صح كلك
لا خـــــلا ولا عــــدم

[مبروك بن ماضي]

الاخ الفاضل الشاعر / سعيد الحويطي
قصيدة تفيض شاعرية بحب المصطفى
بارك الله فيك وجعلها الله في ميزان حسناتك
وأسأله عز وجل أن يكرمك يشفاعة الحبيب
صلوات ربي وسلامه عليه
تقبل تحياتي واحترامي
أخوك / بن ماضي

[نجم الإبداع]

اللهم صل على محمد

وصح لسانك ياسعيد

جزاك الله خير على غيرتك
وكتبها الله في ميزان حسناتك

لاهنت

تقبل مروري

وتقديري

[فهد حنس العتيبي]

يمكـروا والله خيـر الماكرينـادمر الله كـل مكـرا يمكرونـه

جزيت خيرا ياسعيد وبارك الله فيك وفي نهجك ومعانيك

واثابك الله ابداع عقائدي تشكر عليه

[حي الضمير]

اللهم صلي وسلم عليه
وصح لساانك ياسعيد
ويكفي النص جمالآ بانه ذب عن عرض اعظم الخلق
وبيض الله وجهك ياجزل

[زهرة اللوتس]

سعيد الحويطي
سلمت وسلم منطوقك
جزلة من شاعر جزل
لاهنت وبيض الله وجهك
تحياتي
وتقديري

[داعي الشوق]

صح لسانك يالشاعر سعيد

و بارك الله فيك

و الله يصلح الحال

لاهنت

،،،،،،،،،،،،،،،،