ان كان ما تعشق ولا يوم حبيت

[الطائر المهاجر]

ان كان ما تعشق ولا يوم حبيت = فانته مماتك والحياة متساوي
لو كان جسمك حي فالقلب بك ميت=مثل الحجر مابه لحيٍ رجاوي
الحب يشفي الروح مهما تلضيت = يكفيك طيف اللي تحبه وياوي
مهما تعذب او من الحب عانيت= مثل الدوا مرٍ ولكن يداوي
ولا صار حبك عن عقل ماتصابيت= يرسخ مع الأيام ماجاه طاوي
وحب العواطف ينتهي لاتضاحيت = وبانت عليك الشمس بعد الغطاوي
فاختر حبيبٍ ينفعك لاترديت = يفداك روحه ما يخيّب هقاوي
يحس لو في صمت بالآه ونيت= ويسهر على راحتك مادمت ذاوي
ما يرتجي مصلوح مهما تقويت= يحبك لذاتك لو انك خلاوي
ومن مستواك ابحث ترى لو تغاضيت= بعض الفوارق دافعه للهزاوي
من اهل وإلا خل من غير توقيت = تنسف جذور الحب لو هو نقاوي

[ماجد الزيد]

صح الله لسانك وجاد بنانك يالطاير
جزله من راس جزل لله درك
احترامي وتقديري

[بنت العز]

صح لسانك
سلمت ولاهنت
يعطيك العافيه

[ترانيم المطر]

صح لساااااااااااااااااااانك مدد لا عدد

دمت ودام تميزك

ودامت بود

[منيع]

ماشاء الله
من اعذب الشعرواجمله
تحياتي

[(ابو ريم)]

صح لسانك ياعود .... عوايدك تعشق الأبداع .
الله لا يحرمنا منك ...... تقبل تحياتي .

[الخنساء]

فاختـر حبيـبٍ ينفعـك لاترديـت

يفداك روحـه مـا يخيّـب هقـاوي

يحس لو في صمـت بـالآه ونيـت

ويسهر على راحتـك مادمـت ذاوي

ما يرتجي مصلـوح مهمـا تقويـت

يحبـك لذاتـك لـو انـك خـلاوي

ومن مستواك ابحث ترى لو تغاضيت

بعـض الفـوارق دافعـه للهزاوي

من اهل وإلا خل من غيـر توقيـت

تنسف جذور الحب لو هـو نقـاوي

صح لسانك مليون ولايكفون

قصيدة جزلة من شاعر جزل

انااشهد انك صدقت طائرنا

سلمت ودام حرفك

[حي الضمير]

رائعه من روائعك استاذي ابوعبدالله
مدد صح لسااااانك ياعلم

[عبدالرحمن بن زهير]

صدقت يا ابوعبدالله صح لسانك ملايين يالجزل...تحياتي

[عبدالله مذكر العقيلي]

ياسلام عليك

مبدع يابوعبدالله

صح لسانك

والله لايهينك

ولله درك


تحياتي وتقديري