القطوه تاكل عيالها..فانحش لاتاكلك

[الطائر المهاجر]

تخيل شفت لك قطوه صغيره = حشرها الوقت في شبكٍ حديدي
كسرت الشبك واطلقت القطيوه= ورحت البيت تمشي لو بعيدي
وفتحت الباب كالعاده بتدخل= دخلت قبلك وما عنك تحيدي
وصارت ساكنه في وسط دارك= وتحس انك بلقياها سعيدي
قنوع باللذي تقدمه دايم = فيومٍ خبز وايامٍ ثريدي
توالفتوا وكلٍ صار يقلق = اذا من غاب الاخر من جديدي
وكبرت وانجبت قطوٍ وقطوه= ومع الأيام تنجب بالمزيدي
وصار البيت مليانٍ قطاوه = يغثنك وتصدح بالنشيدي
تأمل بعضهن يصبح ذيابه = اذا من جعت جابن ما تريدي
بعضهن كبر يادوبه لنفسه= وبعضٍ صار في طبع العبيدي
جرفه السيل في مجرى الحضاره= وصار اليوم خصمك والضديدي
لهذا لو لقيت اية قطيوه= فامش بثقل وانظر للبعيدي
ترى القطوه ولو زانت بعينك= تجيب قطاوة منها تبيدي
وترى القطوه اذا في يوم جاعت= كلت ورعانها اكل القديدي
واذا من صرت في لحظات ضعف= ترى تاكلك فابعد يالبليدي

[الطامي]

الطائر
صح السانك
وكلام جميل وهادف لافض فوك
شكرا لك

[منيع]

الله يستر
اشوف موضة القطاوة والخنازير اللي ماتبشر بخير هههههههه
انت رائع
شكرا لكم
تحياتي

[نفحات حساسة]

صح الله لسانك يالطائر
ولالالالا هنت

[داعي الشوق]

حتى القطاوة ما سلمت من القصيد


ههههههههههه

صح لسانك يالطائر

تحيتي

،،،،،،،،،،،،،

[نجم الإبداع]

هههههههههههههههههههه

صح لسانك يالعود

حطيئيه هههههههههفكاهيه رائعه

لاهنت

تقبل مروري

وودي

[زهرة اللوتس]

صح لسانك
ابيات رائعة
تحية طيبة

زهرة

[الأموره]

ههههههههههههههههههههه

ربي يسعدك مهـآجرنـآ

و يضحك سنك يا رب

صح لسـآنك ملايين

سلمت و سلم فكرك

الف شكر لك

دمت برعاية الخالق

[همس الورد]

صح لسانك

و صح بدنك

بووح رائع

تحيتي

[جلال ابراهيم الصبيح]

صح لسانك واعتلى شانك جميلة جدا....لاهنت....دمت بخير.


عاشق دمشق