الآيـــــبــــــه..!

[روح الشعر]

الآيـــــبــــــه

انا ان غدت نفسي من الموت هايبه = الا من بدالي من زماني مصايبه
بكيت المدامع خاشي(ن) من مهابته = اله(ن) جميع الناس تاخذ جلايبه
ويسجد جبيني خايف(ن) من عقوبته=عساها بميزانه تثاقل بطايبه
وتسرح هواجيس المعنا وتشغله=ويذكر زمان(ن) ما عطاله طلايبه
عسى خيرها في مقابيلها يسر= ويقفي زماني من جلايب عقايبه
تجرع ضميري ما كفا ونقهر قهر= الين المواجع زودت له ركايبه
وهوجس على ضيق القبر من وساعته=الامن نهى راع الكتب من كتايبه
وروحي علت بين الحشايا وراقيه=لرب السما معطي عباده وهايبه
وغطو هدب عيني وصاحو بموتتي= وصلو على ماجد جموع(ن)قرايبه
شالو وحطو ثم دنوني على اللحد= وصارت اياديهم ترامي ترايبه
قفوا واتركوني في ظلام القبر خلي=الوم العقل يومه تجرى بسايبه
خطاوي قدمهم بثرى صوتها علا=وانا صيحتي محدن سمعها برايبه
الا يا اله العالمين و حميهم=وغافر خطا نفس المودع وثايبه
اجرني واعذني واكفني وحشة القبر=من الخوف روحي بين الاضلاع ذايبه
الا يا دموعي بيحيها لخالقك= دموعن لغير الله والله عايبه

[نجم الإبداع]

الله عليك ياماجد

وصح لسانك على المناجاه الفاظله

لاهنت

تقبل مروري

وتقديري

[روح الشعر]

نجم الابداع

تسلم يالذيب صح بدنك

لا هنت على مرورك

[داعي الشوق]

صح لسانك مليوووون يا بو محمد

شاعر مبدع و جزل

ولا تهون القصيده

ولاهنت

[روح الشعر]

صح بدنك يابعدي

ولاهنت على مرورك

اشكرك

[الراقي]

طاب المكان بك
رائــعة بــروعــة حــضـــورك

وشامخة بشموخك

صح السانك
تحياتي

[روح الشعر]

اشكرك اخي الراقي علئ مرورك


وصح بدنك تحياتي

[عبدالله الشويمان]

صح السانك يا اخ ماجد ولله درك على هذا النص الجزل

قصيده جزله عانقة النجوم.

دمت بخير ولا هنت

[الـزلـزال]

روح الشعر

نص مميز ورائع وجميل
من شاعر متميز ورائع في في حروف شعره
أبدعت وأمتعت شاعرنا رعاك الله وسلمك
دمت ودام لنا حرفك الراقي
صح لسانك ملايين ملايين
ولك فائق تحياتي وتقديري

[عبدالعزيز العمار]

الله الله

صح لسانك وجاد بيانك

رائع وجزل ومتجدد الإبداع في طرحك

تحياتي لك