نـــــــــــــــــوت

[ماجد الزيد]

(نــــــــــوت) وش همّي من اللي يشمت بحال الهوى=وانت ِ ماطى جزمتك بالارض اشرف من عذول
كلّ ما مريت رجمك ذيب ٍ بقلبي عوى=عوية ٍ تشلع خفوق الليل يالرّيم الجفول
كل شريان ٍ سريتي فيه يا نوت التوى=التوى في غيبتك والقلب يا نوت امْغلول
ما ذكر لي وادي ٍ جيتي له الا وارتوى=من حنين ٍ اللي كفخ لا جاب له علم ٍ رسول
نــوت يا وجه البشير افداك عمْر ٍ ونْطوى=ما انطوى الا طوى روح ٍ فدى نوت البتول
لو كشحت ضلوعي الا تنظرين الإْشتوى=لا يغرّك من شموخ الجال .والخافي يهول
لعنبوا حيّك انا والقبر الاظلم من سوى=ميّت ٍ يا نوت ميّت يا عسى عمرك يطول
المعنّى قد ترجل عن جواده وانزوى=في حمادت نوت موته نجم ٍ وجاه الافول
يسعد الله الجنون .الحق مجنون اسْتوى=والْعَقَلْ له حزّت ٍ لا قيل ماجد .وش تقول
ويش مجنون ٍ دماغه الف علاّم ٍ حوى=ما يطيع بحبّ نوت ولو لحق عظمه نحول
الهوى داء ٍ ونا يانوت مابغالك دّوى=بل طلبت الله يزيده .يوم اركيت الحمول
ما يميْزه غير قلب ٍ انكوى منْه انكوى=هو يعرْف الحب قولة عاقلٍٍ ولا مْهبول
نوت لك عهد ٍ مدامي حيّ و آشم ّ الهوى=مقفل ٍ قلبي بقفلك لا يفكّ ولا يزول
كم اصاب العشق سيّد من شديدين القُوى=خلّفه مقتول ينعى مقتله ضبحَ الخيول

[حوريه]

شاعرنا الراااقي .... ماجد الزيد

ياهلا بك وكل عام وانت بخير

ابدعت لنا بنص رااااقي يتخلله الروعه

والأبداااع من شاعر مبدع

دمتـــ........ ودااااااام عزك

[الخنساء]

صح لسانك اخى الشاعر ماجد

لاهان راسك قصيدة رائعة

سلمت وسلم شعرك

دمت بخير

[ام العمده]

الشاعر/ماجد الزيد

صح لسانك واعتلى شانك
لاهنت على هذه الرائعه

دمت بخير

[ماجد الزيد]

حورية صح بدنك واشكرك على المرور

[محمد عبدالله البدراني]

العزيز الغالي اخي ماجد بن حمد الزيد سلمه الله



مليووووون صح السانك وعلا شانك

لله درررررررررررررك يابو حمد


قلت واجزلت


تحياتي
مع اسمى ايات الشكر فائق التقدير واطيب المنى رعاك الاله

[عيد بن سعدون]

ماجد الزيد

يتميز شعرك برصانته وشموخه

يكتسب جزالته من عمق مفرداته

صح لسانك ياماجد

مودتي وتقديري

اخوك
عيد بن سعدون

[الطامي]

الزيد
الله عليك ماروعك دائما
صح السانك وبنانك
ولاهنت عيني

[داعي الشوق]

يا سلام عليك يا بو حمد

صح لسانك يا خوي و يسلم راسك يا ماجد

إبداع متجدد وجمال منظور

صح لسانك مع التحية لك

،،،،،،،،،،،

[ابو أنس]

الفاضل ماجد الزيد...............
للجمال مكامنه وأدواته
وانت تمتلك مفاتيحه ورؤاه
ابداع متأصل ومتجدد من فكر وقلم يرسم للذائقة مجال رحب
لك كل الشكر ووافر التحايا