أنا على الوقفه كما ضلع دخان....

[منصور مشعل العدواني]

البارحه ياسعود ماأمسيـــــــت سهران""
والنوم ماحوّل على الجفــــــــن والعين""

الصدر من كثر التفاكيــــــــــــر مليان""
والعقل رايــــــح بس مدري على وين""

أمشي وأنا ياأخــــــــوك تايه وزعلان""
حتى طرى بالراس فكره وبيتـــــــــين""

قد قيل وأسمع زبدة الهــــــــرج نيشان""
ومادامها نيشان خذ كلمتـــــــــــي زين""

أنا على الوقفه كما ضلــــــــــــع دخان""
اللي صــــمد في وجه شلّة مجانيـــــــن""

ماقلتها ياسعود مخــــــــــطي وغلـطان""
وأفعـــــــــــــــــالنا نملك عليـها براهين""

وأليا أعتزوا ربعي فــ أنا السيف شامان""
اللي ضـــــرب حدّه رقاب المعــــــادين""

الحمل مركي له جنــــــــــوبي والأمتان""
شلته وأنا منصــــــــــور فالعسر واللين""

والنعم ماجاني بعد حبك قيــــــــــــــفان""
الشــــــــعر ماقد قاس روس المياميـــن""

كسبت قولة نعم من ورث جـــــــــــدان""
متوارثين النعم حنـــــــــا لنا سنــــــــين""

وأليا ذكرت اللي لهم بالفخــــــــــر شان""
ربعي هل الطاله بكل المـيـــــــــــــادين""

يشوش راسي وأنتـــــــخي بأسم عدوان""
لامن طرى بالعلم وحده وثنتـــــــــــــين""

أفعالنا يشـــــــــهد لها قصـــــــر مروان""
اللي شمخ وأخلف جميـــــــــــع القوانين""

ياعنك لو ينــــــــــــطق ويظهر له لسان""
ليعلمـــــــــــــك بمرجــــــحين الموازين""

سلام ياشيـــــخ"ن" له العز عنــــــــوان""
اللي بوقت الحـــــــــــــرب قاد العداوين""

عثمان رمز الطـــــــــــيب والعز عثمان""
تشــــــهد على عزّه ملوك وسلاطيــــــن""

تاريخـــــــــــنا ماهو سواليــــــف رديان""
اللي على كل العــــــــــــــرب فالها شين""

تاريخــــــــــــــــــنا يكرم ولاجاه نقصان""
وأليا أنذكر قلت أركـــــــــــدي ياشياطين""

ياكثر مايطــــــــــري على الراس يافلان""
واللي طرى بالراس ثورت براكيـــــــــن""

مادام أنا شـــــــــاعر على كل ميــــــدان""
أبرتكــــــــــي للكـــــــــايده وأوفي الدين""

أبشر ليا من جات روغــــــــات الأذهان""
بقرم"ن" ليا منّه وقف ضد عشــــــــرين""

الله يجمـــــــــــــــــلني وأنا السيف شامان""
اللي ضرب حدّه رقاب المــــــــــــــعادين""

[داعي الشوق]

كفو كفو يا بو مشعل

و صح لسانك ملايييين

ابداع رائع و سبك وحبك

صح لسانك يالشاعر منصور العدواني ،،

و لاهنت

************

[الراقي]

نص اكثر من راائع

وحضور جميل

صح لسانك

و دام نبضك الجميل ،،

كل الشكر لك

^^^^^^^^^^^^

[منيع]

والنعم وكفو
ابيات اكثر من رائعه ومعبرة
تحياتي لكم

[عبدالإله]

قمة الجزالة و المعنى

حاضره هنا

صح لسانك مدد يالعدواني

كل الشكر لك

ولاعدمناك

[حي الضمير]

صح لسانك
واعتلا شانك
قصيده رائعه بروعة حضورك
لا خلا ولا عدم

[محمد عبدالله البدراني]

منصور مشعل العدواني

سلمه الله

كفو ان شاءالله


سلمت ودمت


وصح السانك

وعلا شانك



تحيتي وتقديري

[عمر ال شيبي]

صح لسانك لا هنت ابد

[هنوف الجوف]

سلمت ودمت


وصح السانك

وعلا شانك



تحيتي وتقديري

[عبدالعزيز البليهد]

كفو ونعم بك وبهل الطايف كلهم دون قصور بباقي القبايل

صح لسانك ولاهنت