محاورة شات الأحد 24/2/2008 الطائر× صنداح

[الطامي]

صنداح والطائر المهاجر الأحد 24 فبراير

صنداح=
والشات مافيهاعرب والوقت مافيه احترام== الله جمعناهنا باهل الذكى واهل الغبا
المهاجر=
حياك ياراع السوالف يارزين الكلام= بالشات خم وطري مابين طير ودبا
صنداح=
انته تصلي لك صلاة لا حلال ولا حرام == وانا اطرد الكفار وانته يالمهاجر وش تبا
المهاجر=
حسبي عليك الله ترى يلحقك بعض الملام= اخافك اليوم غاطس لين لحقك شبا
الظاهر انك يابوزايد تحب الظلام= اطلع وشوف الشمس لاتنحرم بالخبا
صنداح=
امدلك يمناي يالطيب بوزعة وانتظام == والطيب لهل الطيب والخيب عن الطيب يهبا
المهاجر=
اربط حصانك كان مثلي تدور للسلام= وإلا ترى الصبر ينفد ثم اقول تهبا
صنداح=
ياعود انا خابرك تملك على صدرك وسام == والذيب يفرس في لحوم الصيد وقلوب الضبا
المهاجر=
عطنا سوالف مضت يومك تصيد الحمام= في وسط بيت الله ومسجد قبا
خابرك حصني على اسمك طايحٍ بالغرام= واليوم تركض وتسجد يم قبلة سبا
صنداح=
البحربحرك وانت قمت تجيب من شرقٍ وشام == اسلم سلمت العوق يالشايب وهبتك الصباء
ياللي ترادف فى البيوت العلم عند الاحتكام == ابيع واشري بالحلال ولا تعلمت الربا
المهاجر=
وعطنا السوالف يوم توك صغير او غلام= وتطق من شفته تحسب بالدنيا نهبا
ويومك كبرت وطال ظهرك والعظام= حتى الكرنتينه تهلي يوم قالت ارحبا
صنداح=
افتح عيونك كان تبي العلم واعطيك العلام== يمناي من فعلي مبينها ويمناك شهبا
المهاجر=
يمناك دسمه من اكل الرز معه اليدام= ويمناي بيضا في ضايفات الجنبا
صنداح=
لاكلن جنب حيد ماانته شوق لابست الزمام == عليك مردود البراء يالللاعب اللي تلعبا
المهاجر=
ياقوم.. هن ضيعنك وانته بامورك كتام= وانا بدرب الفضيله صاعدٍ ما اتعبا
صنداح=
والله لاجود كيتي فوق اللحم قبل اعظام == علم هل الحائط وقوم ابقيق واللي فى رغبا
المهاجر=
ولا جيت للبيت تسمع خصامك والملام= ماسك قروشك بالبخل مثل اشعبا
لحم دوافيرك ولا تجي حول الكرام= يمكن تسهل امورك ويمكن تصعبا
صنداح=
وافرك خشوم القوم حتى مايجي فيها عرام == وكحل عيون الحصبنااللي كنهم جمع الدبا
المهاجر=
وشلون تفرك وانت مابقى بك غير الجهام= لاجيت تمشي تمسك لاتطير مثل الهبا
صنداح=
العلم عند الفعل ماهو يالمهاجر بالكلام == لا تعترض للقافلة جنب دخيلك جنبا
المهاجر=
القافله ما تدل الدرب دامك امام= ولا من نويت المحاور فانتبه للملعبا
خابرك حنشولي تسرف الخبز من يد اليتام= ولاحسبت حساب للميزان يومه ينصبا
صنداح=
انصحك خلك جالسن فى البيت مع جنب المدام == الشعر ماهو للنهب ياللي تحاول تنهبا
المهاجر=
المشكله منهو وحيد وضايعٍ بين الحطام= ماله مدام ولا عرف منين هو يذهبا
صنداح=
صفق الصقور يبين يالشاعر على روس الحمام== ولا انت شاعر والهرم قاتلك والراس اشهبا
المهاجر=
عودٍ وعانس خاسر كل السهام= يوم انحنى ظهره بدى التفكير في الاقربا
ومثلك مثل بعض الحبارى ماتخاف من الزحام= ولامن فرسها الصقر راحت بحطبا
صنداح=
انامن اللي يحتم الميقاف ويسوق الجهام == ولا انت مابك باس ولا لك مذهبا
المهاجر=
يكفي ترى منصبك تحت القدر اسود كالظلام= النار تحرق في الجنوب وتلهبا
صنداح=
بعد نثرت الزاد ماباقي معك غير اليدام == وان كان مانته قادرٍ تالك ماتقدر تشربا
المهاجر=
مشربك واضح لا لبين ولا هو مدام= دور عليه بوسط المناقع مغربا
صنداح=
وانامغني مع سميره يابيض الوجه وريام== العب معك خلك معي صاحي تفهم للنبا
المهاجر=
خابرك مع مشقاص ترقص ورابط ٍللحزام= وان رحت مع اريام كفوك بشنبا
صنداح=
انشدك يوم انك كبيروتعرف انواع الطعام == احسن حليب الابل ولا الاقط وصحون للبا
المهاجر=
وانشدك يوم انك صغير في سنين الفطام= وش الحليب اللي شربته بعلبا
ان كان نيدو فخيلانك شقر وشوام= وان كان آخر فانتبه ثم انتبه لاتحلبا

[الغريب]

صح السنتكم

امتعتونا

غريب

صنـداح

انتـه تصلـي لـك صـلاة لا حــلال ولا حــرام وانا اطرد الكفار وانته يالمهاجر وش تبا...
امـدلـك يمـنـاي يالطـيـب بـوزعـة وانتـظـام والطيب لهل الطيب والخيب عن الطيب يهبا

العـود
وانشـدك يـوم انـك صغيـر فـي سنيـن الفطـاموش الحليب اللي شربته يالزلامـي بعلبـا

ان كــان نـيـدو فخيـلانـك شـقـر وشـــوام وان كان آخر فانتبـه ثـم انتبـه لاتحلبـا......



صح الله لسانكم ماااااقصرتوا

[الطامي]

ابو عمار
شكرا لمروك
لاهنت

[السريع]

احسنت
ولاهنت
تحياتي

[الهميم]

شكراً لما امتعتنا به
تحياتي

[اصيل]

شكراً لما امتعتنا به
تحياتي

[البتار]

مشكور
على ما افدتنا به
تحياتي

[البديعي]

مشكور
على ما افدتنا به
تحياتي

[الهامس]

بارك الله فيك
كتبت فقرأت فاستفدنا
تحياتي واحترامي