تدري وش اللي يتعب الجيش والخيل...

[حوريه]

عجبتني هالقصيده
قلت اسدحها هنيا أن شاء الله تعجبكم

تدري وش اللي يتعب الجيش والخيل
لاشفت لربعي في الميدان فراس


وتدري وش اللي يعجبك في المحاميل
البن الاشقر لانحمس وسط محماس


وتدري وش اللي يجعلك تسهر الليل
انك تشوف الناس تضحك على الناس


وتدري وش اللي يرفع الضغط بالحيل
انك تحب انسان ماعنده احساس


يلي تقول ان المحبه غرابــيل
ترا المحبه للمحبيـن نبــراس


اعلى واجل وفوق كل التفاصيل
صعبا تترجم بين حبر وقرطاس


يلي مذوقني العناء والبهاذيل
ماترحم اللي مشاعره لك مجلاس


يابو رموش عجس ماتقبل الميل
ياليل من دونك ثمانين حراس


لو الهوى كذبه فكم فيه عبريل
ولو السهر جايز فكم فيه هوجاس


اتعبتني وأنا معك وافي الكيل
غربلتني من راس فكري إلي الساس


شفتك فرح كل الليالي المقابيل
شفتك مثل كل الألئ و الماس


جيتك وقمة اجر عذب المواويل
وحاولت أفسر صدتك لي على ساس


إنك إلي هالحين حول المداهيل
وإنك صغير كل عرفك بمقياس


لين أنطبق فيك مثل ما زمن قيل
ترى البحر ما يدخله كل غطاس


إلا أنا بسألك يا نابغ الجيل؟!
تعرف تفرق بين صادق و هلاس؟


هذا الزمن ما يرحم أقوى الحلاحيل
من دون ما لا أقسم قسم تنداس


تدري وش اللي مابه أيا محاصيل؟
هرج القفا هرج النميمه و النكاس


وتدري وش أكبر ويل يا راعي الويل؟
لا حـذروك و وقـع الفـاس بـراس


وتدري وش اللي يرفع الضغط بالحيل؟
إنك تـحب إنسان ما عنده إحســاس


وسلااااااااااااااااامتكم
حــوريــه
م / ن / ق/ و/ ل

[داعي الشوق]

مشكوووووووورة يا حورية

و يعطيك العافية

على سدح القصيدة الجميلة فعلا ،

ولو أن بها خلل في بعض الابيات في الوزن

[منيع]

وتدري وش اللي يرفع الضغط بالحيل؟
إنك تـحب إنسان ما عنده إحســاس

منقول رائع
شكرا لك
تحياتي

[حوريه]

عااااااااد داعي ما له داعي تدقق بالحييييل
عندي واسطه <<<<<<<< نلاحق هالواسطه حتى بالشعر
عجبني معناها جعل والديك في الجنه
داااعي الشوق
حضورك اسعدني يالغالي
والجمااال في مررورك
ما ننحرمش

[حوريه]

هلا وغلا بشاعرنا الفذ/ منيع
تشرفت بحضورك
وزااد القيصده روووعه
لا خلا ولا عدم

[يوسف الشقران]

وتدري وش اللي يرفع الضغط بالحيل
انك تحب انسان ماعنده احساس


اختيار موفق
وذوق راقي
الف شكر لك

سلمت يمنااك

يا حوريه

على سدحك لهالقصيده

لا هنت

موج القصيد

[الطامي]

حوريه
شكرا لكي على النقل المميز والأختيار الموفق
وهي للشاعر عيسى الهجله
لاهنتي

[حوريه]

شاعرنا يوسف الشقراان

ياهلا بك

الذوق في حضوورك لاعدمتك

شكرا لك

[حوريه]

شاعرتنا مووووج

ياهلا بك

شكرا لحضورك العطر

لا خلا ولا عدم

شكرا لك