مجاراة قصيدة(الذكريات)للشاعر سعيّد

[أم ريما]

في هذاك العصر عنـده وايتينـي

من ملك زين الرحوله والرواتـي

صح لسااانك

يعطيك العافيه

[حي الضمير]

مايقارن عصرنا بذيـك السنينـي
كل شيـا بالبـداوه لـه حلاتـي


جزلة وتستحق الرجوع
والمرور مجددآ
صح لسانك

[بنت العز]

الله عليك

قمة الروعه

عوده للتميز

يعطيك العافيه

[نفحات حساسة]

عندهم زين المطايـا منوخينـي

بالاشـده للطريـق مجهـزاتـي

مكرمين الضيف من سمن وسميني

له تهون من الحـلال الغالياتـي

صح السانك.. ولاهنت

للتميز عودة تليق بهااا

يعطيك العافيه..وسلمت

تحيتي لك.

[عبدالله مذكر العقيلي]

روعه وابداع متجدد

صح لسانك

ولله درك


تقبل مروري

[ماهر غريب الذيابي]

صح لسانك واعتلى شأنك
تميز في الإبداع
جزله من راس جزل
صح لسانك
ولاهنت
تحيتي واحترامي

[عمر ال شيبي]

المشاركة الأصلية كتبت بواسطة مسلم عواد العميري

هذه القصيده مجاراه لقصيدة الذكريات للشاعر الكبير
سعيّد عوده الحويطي. فعسى ان تنال رضاكم واستحسانكم
وهذا رابط قصيدة الشاعر سعيّد الحويطي

http://www.fatahilah.com/showthread.php?t=35344

ياسعيّد فيني اشعلت الحنيني=كنك مصحي عيوني من سباتي
لاتذكرني وانا قلبي حزيني=خص لاذكرت عليّه ذكرياتي
مايقارن عصرنا بذيك السنيني=كل شيا بالبداوه له حلاتي
لوضروف الوقت تقسى اوتليني=يكفي ان صدورهم مستاسعاتي
بينهم دله مع فنجال صيني=ويسمعوا لشايب سواليفه ثقاتي
عندهم زين المطايا منوخيني=بالاشده للطريق مجهزاتي
مكرمين الضيف من سمن وسميني=له تهون من الحلال الغالياتي
مايخلوا الضيف والجار الطبيني=جودهم فايض كما نهر الفراتي
عندهم تلقى علوم الغانميني=والبيوت لكل لافي مشرعاتي
في هذاك العصر عنده وايتيني=من ملك زين الرحوله والرواتي
والرعيه راعيتها في البطيني=تعطي العازات في كل الجهاتي
لااشرفت مرقاب جرتها اهجيني=يانداة الصوت روس النايفاتي
لاضوت من عقب مسراحٍ ظنيني=ماتبات الا وغنمها محلاباتي
زينهن كله ودع والا مديني=ومن تلاوين الحضاره سالماتي
وان تراكم مزنها وجاك الرطيني=يفرحوا لشوف البروق اللامعاتي
من يخايلها يقول اسمع خنيني=تحتها صوتٍ يهز الراسياتي
من يسار اقبل ثعلها ومن يميني=والروابي باذن ربي مربعاتي
واتذكر يوم حنا معزبيني=وسط فرعان الجبال الشاهقاتي
يوم نور الشمس مع صبحه يبيني=مد شوفك فالفياض الواسعاتي
مير حنااليوم في منزل مكيني=اربع الجدران به متقابلاتي
بالحضاره كل شي مثلجيني=ونصف مطعومك حلا ومكسراتي
جنبنا الخباز وايدام وتويني=كل حاجاتك تجدها والماتي
غير خبز النار والله فاقديني=وسط مله ماصنع بمكهرباتي
والمشاغل دايمه حينا وحيني=لاقضت وحده تجيك التالياتي
قبل مايقضي الشهر متسلفيني=غير ماتسجل علينا السوبراتي
والبلا في سوق الاسهم خاسريني=كل يوم اسعارهنه هابطاتي
يالله انك تفرج الوضع وتعيني=بالامور اللي علينا مقبلاتي
في بلدنا لاحرج متريحيني=عن هجير القايله والعاصفاتي
وان بغينا البر والله كاشتيني=فوق جيب مجهزن بالانتلاتي
كل عيشه يالسنافي بواجهيني=بالمراره والحلا متخالطاتي
اختصرت اشياء كثيره في يقيني=لوبغيت اكتب ثمان معلقاتي
ليت ابو هايس وصاحبك العديني=يكتبون ابيات عن ماضي الحياتي
واخره صلوا معي ياسامعيني=عالنبي افضل سلامي والصلاتي

صح لسانك نعود للتميز والتقدير لا هنت

[الونيس]

صح لسانك
واعتلى قدرك وشأنك
نص جميل ورائع
لاهنت
تحياتي واحترامي

[عبدالله مذكر العقيلي]

عوده للتميز

صح لسانك

والله لايهينك


تحياتي

[زهرة اللوتس]

مايقارن عصرنا بذيـك السنينـي
كل شيـا بالبـداوه لـه حلاتـي
صح لسانك