خذ مني النجوى بسجات لقلام ...

[النهر الخالد]

ذبحت قلبي بالجفى عدة ايام=ولغير ربي ما حكيت وشكيته
حبٍ لهيبه يحرق اعروق وعظام= اقول قاويته وانا ما قويته
شئ لواغنيه بوتار وانغام=ينبح صوتي وبعدني ما انتهيته
ابيك لو حبك متاهات والام=وارضى وصالك لو دروبك مميته
اصبح هواكم يالغلا شئ الزام=ساكن بقلبٍ لو جفاكم عصيته
لاجيت ابرجع للورى سرت قدام=اتبع سرابك والقدم ما نهيته
اهواك وعروقي بفرقاك صيام=وافطر على حلم بقربك رجيته
اشتاق للي للفكر مصدر الهام=اللي سلا عني وانا ما سليته
مهما احاول ابتعد واعلن احجام = صافي غلاكم وين ما ابعد لقيته
في داخل اعيوني وفي فكر ؟؟؟؟؟= ويرتاح في قلبٍ فداه وفديته
معك الفكر تايه وفيك الغضي هام = وباع الخلايق يوم جيته شريته
معاك انا عشت الاماني والاحلام =وليل الالم مع ذكرياتك سريته
من زود ما في القلب تاهن الاقدام=ضيعت دربي والدليل انتخيته
ولا به دليلٍ غير طيفه الى حام = افز وامشي خلف طيفٍ هويته
والله والي سير افلاك واجرام = ما مر يوم ما رجيت وبكيته
ابكي مثل طفلٍ رمي وسط الايتام = من بعد ما جيش الغدر هد بيته
وش حيلت الطفله بساحات الاجرام = انغرت بطبعه وطيبه وصيته
والله لو تبعد عن العاشق اعوام = ما انساك يا خل لغاب احتريته
خْذ مني النجوى بسجات لقلام=عساااك تفهم لا لفيت وقريته

صح لسانك وجاد بيانك

رائعه بروعة حضورك الجميل

[ابومياس]

اهلا وسهلا بهذا الحرف الشجي
المعنى الجزل
والاسلوب الراقي
هنا مقطوعة جمال اصيل من الشعر الاصيل
الذي قلما نجده
يحق لهذا المتصفح الزيارة
يحق لنا الاستمتاع بما حواه من جمال شعري
شاعرتنا القديرة
لا املك امام هذا النص الفاخر
الا ان اقول
صح لسانك بيض الله جهك وعاش راسك لاعدمتك
دمت بخير

[صعبة المنال]

التميز يفرض رجوعنا اليه

صح لسااااااانك

وعلا شأأأنك

صعووب

[محمد عبدالله البدراني]

قصيده تستحق المرور مرارا


مليون صح السانك

وعلا شانك


لاعدمناك



تحيتي وتقديري

[ترانيم المطر]

سرني جدا تواجدي

هنا

دمتي ودام عذب أبداعك

تقبلي مروري00

[داعي الشوق]

صح لسانك يالشاعرة

مع التحية لك

،،،،،،،،،،،،