انا ما نيب لا شيعي ولا سني

[فهد الغنام]

قيّلت علينا يابو عبدالله .....

نبي نرفع لنا دعوى على الدكتور عثماني = يوضّح ما يبي وألاّ قضيّتنا يجنّبها
يبي يجمع عجاج الصيف مع هتّان الامزاني = عليه أفكار مدري كيف راع الدين ركّبها
ترا ما قول غير انك بما سوّيت عجلاني = ولكن راجع الموضوع واحذر لا تخرّبها

[الطائر المهاجر]

البينة على من ادعى

على من يدعي يظهر بياناته بتبياني = فاذا له حق يعطي له وعلى الجاني تبايبها
ولكني اشوف انك مثل تايه بصماني= تورط ما عرف وين المشارق من مغاربها
تبي الرجعه نسهل لك عزيز وعالي الشاني= تبي تركض مثل من هام فخلك مع ركايبها

[فهد الغنام]

استلم ... يا دكتور

ترا مالك عوين إلى نويت بكل الأوطاني = تروّجلك على سلعه وكل إشوّي تجلبها
تبي تلعب على غيري وأنا ما نيب عجّزاني = من اللي يبحث الدعوى وقلّي من مسببها
غريق(ن) بالبحر يصرخ يبي فزعات غرقاني = مثل من جنّبه خله وهو نفسه معذّبها

[الطائر المهاجر]

غريق(ن) بالبحر يصرخ يبي فزعات غرقاني
مثـل مــن جنّـبـه خـلـه وهــو نفـسـه معذّبـهـا

تراي اقرى على المسحور واطلع عاتي الجاني= ولكن التشدد والتزمت ماله احدٍ يطببها
اذا منك تبي شوري توسط فالعمر فاني = امورك خيرها اوسطها فلا تركض تلاهبها

[فهد الغنام]

شكرا لك يابو عبدالله ...

بالنسبه لي يابو عبدالله .. فالموضوع مساجله شعريه فقط .. وصدقني بأن اكثر الابيات اكتبها كمداعبه اخويه فقط

فأتمنى ان نستمر على ذلك

[ابو صهيب]

أنا ماودي انك يافهد تطلع بخسران = وتقول امزح معك ماهمني ثم(ن)تخربها
على درب الهدى خلّك ولاترضى بنقصان =ولاتطاوع خبير الطب جاهل في مذاهبها

[الطائر المهاجر]

المشاركة الأصلية كتبت بواسطة ابو صهيب

أنا ماودي انك يافهد تطلع بخسران = وتقول امزح معك ماهمني ثم(ن)تخربها
على درب الهدى خلّك ولاترضى بنقصان =ولاتطاوع خبير الطب جاهل في مذاهبها

الا يا مدعي بالعلم اظهر بين الاقراني = كلام الله لاقولك به الآيات واوع بها
وكلام المصطفى واضح ولا هو قول فتاني= يبينا امة وحده على المله وصاحبها

[نمرالعوين العتيبي]

دكتور عثمان العبدالله


الله الله الله الله يسلم فكرك ولله درك على هالراااااااااااااااااااااااااا ايعه
وصح قلبك من مبدع وعساك على القوه


اخوك نمر العتيبي

[فهد الغنام]

ابو صهيب ..... انت لم تفهم .. ماقصدت .. الدكتور فاهم قصدي .


فالدكتور كتب ابيات خرجت عن صلب الموضوع ..وحبيت ارد عليه .. ولكن خشيت ان يأخذ الموضوع منحى واتجاه اخرفقط ...

كما بأنني لا اريد ..ان نكون إلى هذا الحد من الغلظه لا بد من روح الدعابه في بعض الابيات حتى لا تكون المساجلة مملة .


اتمنى تكون وصلت لك الفكره ..

سرجت الخيل يالغالي بليا سرج وعناني = على هونك ترا الدنيا تتعب من يجد ابها
ترا الدين النصيحه وانت تعرف قصد عنواني =ليا صار الهوى شرقي عليك إنك تغرّبها

[عبدالله الشويمان]

يطول الشرح خلوها على اللي يعرف اركاني=مشايخكم هل الافتاء هم ابخص في مذاهبها
فلولا الله ثم ارجال علم الدين يا فلاني=إن يضيع الاصل وفروعه ولا نلقى مقاضبها