راحت

[الخنساء]

المشاركة الأصلية كتبت بواسطة عيدالماجد

بعد المسافه ماحرم قلبي الشوق = ولا القدر اللي خذاها مسحها
لليوم عندي قدرها عالي فوق= واشوفها باحزانها وبفرحها
حلم ومثل اللي مضى حلم مسروق = عادة زماني كل حلومي ذبحها
خلاني بعد افراقها قلب محروق = عايش بذكرى طول صمتي جرحها
عاشت وسط قلبي كما الدم بعروق = قصه غريبه ماحدن لي شرحها
كانت مواعيدي لها بشارع السوق= وتقبل علي معروفتن من مرحها
كانت تجيني كنها شمس بشروق = او ليلتن شقق دجاها صبحها
تقبل لها نور كما نور ابروق = واشواق قلبي فعل عيني فضحها
كانت لي الدنيا ولها كنت معشوق= تعطي وقلبي من حنانه منحها
بين البشر وبين محبوبتي افروق =قلبي بعد ذيك الخساير ربحها
الله عليها راقيه كلها ذوق = تسرق نظر كل من راها ولمحها
راحت ولكن في لها داخلي شوق = واشوفها بااحزانها وبفرحها

صح لسانك مليون ولايكفون

قصيدة جزلة من شاعر متمكن

سلمت ودام حرفك

[مسلم عواد العميري]

صح لسانك وفكرك
نص رائع وجزل
لاعدمنا تواجدك ياغالي
تحياتي

[عمر ال شيبي]

عبرت تعابير العبر والعبير شذا ورد ي

الله عليك عوده للجمال

القصيد اللي تِغنّي من تِعابيرك يشوق = صوب عبرات ٍ نديه تابعت والهم نان

[نجم الإبداع]

صح لسانك عبدالماجد

مصافحه راقيه

لاهنت

تقبل مروري

وتقديري

[الطامي]

عيد الماجد
صح السانك اخي
رائعة كما عودتنا
شكرا لك

[شجون القصيد]

لليوم عندي قدرهـا عالـي فـوق
واشوفهـا باحزانهـا وبفرحـهـا
............

صح لسانك

تميز يستحق العوده

تحياااتي

[عمر ال شيبي]

وللجمال عوده صح قلبك

[همس الورد]

صح لساااانك روووووعة ما شاء الله

بوووح رائع

يسلموووووا

[شجون القصيد]

خلاني بعد افراقها قلب محـروق
عايش بذكرى طول صمتي جرحها
عاشت وسط قلبي كما الدم بعروق
قصه غريبه ماحدن لـي شرحهـا
...........

صح لسانك

تميز يستحق العوده

تحياااتي

[ترانيم المطر]

قصيده جميله صح الله لسانك

ودمت بود