حلم الفطاحل

[نجم الإبداع]

اختنا الخنساء لفت حاضر بحاضر = عطرت صفحاتنا باحروف ظيه
رحبت بقدومها كل المصادر = اسم له تاريخ في سيره ثريه
والتحيه للشريف الي نفاخر = في قدومه نور ضوى لي هنيه
العجوز الي ابتلتني بالخناجر = حلم ياصاحب فجعني ذقت غيه
شرفوني اخواننا والرد ماهر = والهوى راعيه غره عن خويه
نطلب الله قبل مانضوي المقابر = نصرة الدين وخراب العنجهيه

[سناعيس]

أخوي فلاح
دافعت عنك ولا أنصفتني لكن تستاهل حقك وماجاك من أبو عبدالله هههههههه
وترى منيع ماينفعك لاتجمعنا عليكم أنتم شجعان صحيح لكن الكثره يقولون تغلب الشجاعه ههههههخخخخخخ

عزيزين وغالين

تحياتي

[نجم الإبداع]

ياسناعيس المهاجر صار تاجر = نشتري وان باعنا هذي خطيه
وقفتك تلهج بها كل الحناجر = وافي الرمعات وافكارك غنيه
هجمة الطاير تقل من صقر كاسر = مثل برج المملكه والفيصليه
قله يثبت تهمه ان كنت فاجر = وما عداها فالحقوق اليوم ليه
لاتعذرب في منيع الي مناصر = هابه الميدان يستاهل عطيه
والحقيقه في ثرانا الود عامر = ماسكن في صرحنا ناسٍ دعيه

بصراحة القصيدة مرة حلوة

صح لسانك اخوي

[أصالة تميم]

يعطيك العافيه وصح لسانك .

[نجم الإبداع]

اختنا مجنونه جتنا بالبناجر = ماهي مجنونه ورايتها عليه
من بنات العز مايرضون حادر = دينهم واعراضهم حره ابيه
واختنا الكبرى اصاله من تماضر= اخوةً بالدين مامنا اجنبيه
والفطاحل كلهم ياطيب عاطر = سلوتي وافكار روحي الشاعريه
انشدوا عثمان بالله كيف طامر = والله ان التهمه يانسناس خيه
الخطاء لو جاء من الشيبان كافر = نحمل الزله ونصبر للأذيه
عيب لو رديت وازداد التشاجر = قلت باصبر واصقل جروحٍ صديه
والله ان الجرح زورني المقابر = كذبةٍ من شيخنا وين الرويه
حلها ياصاحبي قبل التنافر = او فعذري لليالي النرجسيه

[الفرهود]

الله .... الله
كم انت مبدع
صح لسانك الف
احترامي

[جرير]

ارويت الذائقه
لله درك من مبدع
صح لسانك وكلك
احترامي وتقديري

[الوقداني]

لله درك
امتعتنا بهذه الجزله
صح لسانك وقلبك
تقديري

[الحر]

لله درك
امتعتنا بهذه الجزله
صح لسانك وقلبك
تقديري