سود الليالي ليه تقسي عليّه(بالصوت)

[سناعيس]

الطائر المهاجر
صح لسانك
وبيض الله وجهك

تحياتي

رايعةمن روائعك
اجتمعت المفرده مع الثقافه فتفلتر لنا الابداع

[الخنساء]

المشاركة الأصلية كتبت بواسطة الطائر المهاجر

سـود الليـالي ليه تقسي عليّه = ما يكفي اللي من سنين المعـاناة
خلّيني اتهنّـا بعمـري شويّه = دامي لقيت الحبّ فالعمر ما فات
بعض المحبّـه من اله البـريّه = تحيي عظـامٍ ميّته من سنـوات
تبعث أمل في الروح مادام حيّه = حتى ولو موت الفتى بعد ساعات
جتني اماني العمر واحلا هديّه = حـوريّةٍ من فضل رب السماوات
ياشـاريّه قلبـي ترى فيه غيّه = صكّي عليه القفـل لو عشر طقّات
حبس انفرادي وسط روحٍ زكيّه = يفرح بسجنه ما شكى منه ويلات
يسمع تنــاهيدٍ عليّـه خفيّـه = ويرسل اشـاراتٍ بقلبك وخفقات
يامرني اخلص لك بصدق الطويّه = واترك جميع البيض واغليك بالذات
انتي وانا والحبّ حتى المنيّـه = وانتي وانا نجمين فوق المجرات
لكن ترى الغيـره سلاح الخطيّه = لا من بدت فالشكّ يتبع بخطوات
يا ما يفـرّق من قلـوب بريّه = باسباب قيـل وقال من غير اثبات
من جاك ينقل هرج قولي وصيّه = حبٍّ على وضح النقا يوم ما مات

صح لسانك مليون ولايكفون
جزلة تترجم روعة الاحساس وجميل
المشاعر
سلمت ودام نبضك

[همس الورد]

صح لساااانك مليوووون

و بيض الله وجهك

تحيتي و تقديري

[ناصر عبيد الهواوي]

الله يالمهاجر شموخ منقطع النظير
ولكن احس ان فيها وفاء للقديم وجبر خواطر
وصيغة صيغة فنية لجديد
وهذ من باب الوفا و قديمك نديمك
مادري اصبت والا لم اوفق
لكن جزلة بالحيل بالحيل
وصك لسانك واعتلى شانك

[الطامي]

الطائر
صح السانك ملايين
دائما مبدع بالقديم والجديدي لافض فوك
شكرا لك

[صعبة المنال]

للتميز عودة

سلمت يا عووووووووووووووووود

عزف منفرد بنكهة خااااصة

صعووووب

[الأموره]

الله الله

مبدع انت يالمهـآجر

ما في شي جديد

تبارك الرحمن

صح لسانك ملايين

سلمت و سلم فكرك

الف شكر لك

دمت برعاية الخالق

[عبدالرحمن بن زهير]

صدقت يا ابوعبدالله وصح الله لسانك هرم شعري كبير ومايجي منك ألإ الوافيات لاهنت وتقبل مروري وإعجابي....

[سعيد الصاعدي]

الاخ الفاضل / الطائر المهاجر
صح لسانك لاهنت
نص شعري رائع جدااااا
من شاعر جزل
تسلم ويسلم فكرك يالغالي
تحياتي
أخــــوك
س / ص