لايرد الاشاعر ؟؟؟

[محمد عبدالله البدراني]

ياسلام الله الله

روعه وفعلا لابد ان الرد يكون لواحد واعتقد الاول فاز بها فاستمرا

رعاكم الله

هذه تحياتي
مع اسمى ايات الشكر فائق التقدير واطيب المنى

[صنداح الزلامى]

طالبكم ياشعار منتدى الفطاحلة بدون

قصور فيكم ولكن لي الرغبة في للعب مع


محمد عوض المحيلبي

استلم اخوي محمد المحيلبي

يامحمد هدوضعك مانت ناهبنا نهابه = في فطاحل ناس لو شافوك ماتاخذشويه
والطريق اللي سلكته يافهيم احسب حسابه = لا تعرض للهموم وتقتل النفس البريه

[محمد عوض المحيلبي]

انت شاعر كفوا دايم مثــل بدر(ن) ينسرابه ---- منت شــاويني عــسا ترفـع شوي المعــــنويه


انت لو ياجي معك عشره على درب الخرابه ---- كان صدرت الضوامي دايم(ن) والشمس حيه

[صنداح الزلامى]

محمد المحيلبي

اٍٍٍٍٍٍٍٍٍٍٍٍٍســـــــــــــــ مــع

انت في صدرك علوم من ورى ظهرك عصابه= وتقتبس نارك من النيران وعلومك طريه
والخرابه دونها ياصاحبي عزوة ولابه= وانت مدري من تكون ومنك والله ماعليه

[محمد عوض المحيلبي]

استلــــــــــــــــــم

انـــت يا الكــــايد ترا شـــاعر ولا حــــــد(ن)درابه--- نايب (ن)واحـــرص تــرا النيه من النــيه بريــه

والله اني ما حسبت اتطوووووف ياراع الخطابه ----- مير راحت مسرعه تمشي ورا التسعين ميه

[صنداح الزلامى]

مانزكي مال قومٍ ماكتمل واكمل نصابه = ولو فعلنا مثل هذا تعتبرعيب وخطيه
وانت رجلٍ فيك خير وفيك شي من الذرابه= ودنا نعطيك غزة واحكم الدار الابيه

[محمد عوض المحيلبي]

الله أكبر يالزلامي مانهبناها نهابه+مير خل الشعر مثل البني طيه فوق طيه


أحمد الله جيت امثل عن ربوعي بالنيابه+ما طلبناكم هديه ماشحذناكم عطيه

[صنداح الزلامى]

صاحبي عنده هقاوي مير مدري وش هقابه = نايبٍ دون القلبيه ويحدى القوم اللضيه
ويامحمد من لقا سوق الغلى باع وشرابه = والفقيره يامحمد ماتقارن بالغنيه

[محمد عوض المحيلبي]

اعتقد فيه خطا مطبعي عندك ؟؟؟ نايب دون القبيله صح ؟

على العموم استلم ؟


كـــــــل واحد حصل المقسوم ثم جاله هبابه ----- ومن رضى عنه الولي ياصاحبي يا واهنيه


انت ذيب(ن)ساكن لك ياالزلامي وسط غــــابه ----- يا كل المتـــرديه ياناس ويخل الثـــــــــنيه

[داعي الشوق]

صح لسانكم يالشعار ..

متابعين ومستمتعين ،،

شعراء من الوزن الثقيل

واصلوا ،،