قصيدة الفطاحله في سلامة الملك

[بحر الجنوب]

انتمت ارض الكرم لا من نماها=واستماه المجد عنوان الكرامه
ارضنا تغلى بعزة من غلاها=من ورى عرعر الى اخرها تهامه
والشعوب المسلمه تغدي قداها=امر من بالدين نزل في كلامه
واصطفى المختار فيها واصطفاها=من هدانا واهتدينا في مقامه
الحبيب محمدا من فظ ماها=واعتلم زمزم بفضل الله علامه
مملكتنا والسحب عجت سماها=واستظلينا من اظلال الغمامه
كلنا من قدمها والا وراها=مايقسمنا الزمن فيها انقسامه
دام ابو متعب لنا وهوه ولاها= مايجينا من لفا الدنيا ملامه
والله ان الارض لو دارت رحاها= مامراما مثل ابو متعب مرامه
وايش شم المسك يعصر في هواها=دام اصل المسك عبدالله ختامه

[الـزلـزال]

صنداح الزلامي

فكرة مميزة ونادرة
تستحق منا كل الشكر عليها رعاك الله
يستاهل خادم البيتين كل تقدير وثناء
صح لسانك ملايين ملايين
ولك فائق تحياتي وتقديري

[المحيط الهادي]

يازعيم المملكه حامـي حماهـا
ردك الله يابو متعب بالسلامـه
يافخر دار ال سعـود وياذرهـا
ياذرى الشعب السعودي ياحزامه
البلاد بخيـر يـوم الله عطاهـا
مجري الهياب نبراس الزعامـه
خادم البيتين بالطيـب يتباهـا
والمدينة والحرم جل اهتمامـه
أستما باسماء البيوت ولانساها
حطها في صفحة الامجاد امامه




ياولي العرش يارافـع سماهـا
باسط سبع الاراضي من تمامـه
سلم اللي كـل دولتنـا حواهـا
ظفها باطراف عطفه واحترامـه
واجعل له في كل خطوات خطاها
في امور الشعب بعلوم الشهامه
حافظه له من شر دنياه وغثاها
وفوز بالجنه اذا جات القيامـه
وسسده للخير واعلومه عساها
تفرح اللي له محب وبه دوامـه


،،،،،،،،،،،،،،،



ياحبيب الشعب في اللين وقساها
السراه ونجد حنـت مـع تهامـه
في غيابك قام يشجينـي جواهـا
وامطرت بالشوق من غير الغمامه
ردك الله للديـار الـي رضـاهـا
وطية ارجولـك عليهـا لاملامـه
والله انـا ياملكنـا فـي عطاهـا
دون شوفك ماعرفنـا الابتسامـه
ردك الله بالسلامـه فـي رباهـا
ياحبيب الشعب ياراعي الكرامـه

.............................. ............

ســـاعـــة ً نلقاك والله ياحــــــلاها

......يازعيم الشعب والشعب اهتمامه

ياعـــسا غـيـبـتك مطــول عساها

......ياعـسا تـــصحبك لدار السلامه

غــيـبــتك قـليـل منهــو مـابكـاها

......ويتحرى رجعت قصر الايمامه

كـل يـدعـــو حالته عجل شفاها

......نـدعـــو المعبود خلاق الانامه


كــم عــود ً لجلك ادموعه جراها
......يازعـــيم ً حط بالخافق مقامه

[color="blue"][/color]

[عمر ال شيبي]

صحت قلوبكم شعار الفطاحله وشكرا لاخي صنداح على الطيب في مقترحه

والان ودي اشارك قلوبكم وقول

يا سليل الطيب من جده ولاها = يا حنان الطير بعيون الغمامه
بيض الله وجه مرسول ٍ نقاها = للعرب بالزين دومن له مقامه
خادم اليتمان حيّ ٍ ما نساها = غاليٍ بالغيب والخافي رحامه
رب كون الكون يشفيه بخلاها = يوم دعوى الشعب من قبل المنامه
ردّ ٍ للبيت مجبور بحماها = لي ديار اسعود لول والسلامه
حق ربيته في حدودن من صفاها = الله اكبر الله اكبر يا كلامه

[الخنساء]

صحت السنتكم

ولاهنتوا ويستاهل خادم الحرمين

الشريفين الله يوصله لوطنه سالما معافا

سلمتم ودام حرفكم

[عبدالله الدخيل]

بيض الله وجه راعي الفكره ومنفذها

وصح لسان كل الشعراء المشاركين وعلى رأسهم أخوي صنداح أبو محمد


وابو متعب يستاهل الله يرجعه بالسلامه

ومتابعين لكم

[محمد بن عمار]

وقفته لأجل العروبة محتواها = كل مفهوم التآخي و إنسجامة
نالت الأمة شرف في مبتغاها = بالزعيم اللي لها صان الكرامة
لأهل العوجا فخر و الله حباها = قايد ٍ يمشي بدرب الإستقامة
حامي ٍ أرض الجزيرة عن عداها = و منهج القرآن دستور لنظامة
راية التوحيد مر فوع ٍ لواها = و بأبو متعب ، رافعين ٍ كل هامة

محمد ‏ بن عمار

[حوريه]

فكره جميله تسلم ياصنداح
وصحت قلوبكم جميع
ولا هنتواااا