تعيد نعود تزيد نزود

[محمد بن عمار]

المشاركة الأصلية كتبت بواسطة نجم الإبداع

يامرحبا بالي تراقل متونه=ماشي على الطرقه مع الناس بالكاد
النص الاول ليه ماتظهرونه=والا تبي تغتالني بين الارصاد
الي يناقز مااخرعتنا شنونه=مانته بقيس ولا انت ولد ابن شداد
الحسو ماقد بان لو تطمرونه=مايروي الضامي ولافيه مرتاد
انا حصوني من حديد وترونه=والي تعنى ماخذا شي ولافاد
الحرف ماهو صرف لو ترسمونه=كنك صدى المقدس ولوعات بغداد
والقصر ثابت ماتحرك فنونه=لانه من الفضه وبابه بعداد
ياصاحبي للفتل والنقض بونه=ماكل شاعر قال انا فيه سداد
والخافق الي ودكم تحرمونه=مثل الجبل لو جيت فوقه بمنطاد
الذيب ماقد خاف ما ترهبونه=والضو دايم مشتعل ماهو رماد
انته ركبت الصعب واقضب جنونه=طرقه طويله مابها غير الامجاد

هلاااااااااا فلاااااح
ههههه علامك مسرع
وقدامك نزلة كرى ، توك
ما وصلت الريااااااااااااض ،

لي مبدأ ً ما أحيد بالهرج دونه = وكل ٍ يوصّف حالته مثل ماراد
ماجيت أبي فزعة ولا أبي معونه = يوم إن ردك صار بالحرف ينعاد
واللفظ ميزان العقل من جنونه = وإلاّ ، سفاف الهرج لصغار الأولاد
الطير يرقص عقب ما يذبحونه = يوم الألم والموت به ، قام يزداد
وعطنا دليلك خلّهم ينظرونه = عن الهجوم ، إن كان لك علم ٍ وكاد
شوف الشجر به الحجر يحذفونه = دام الثماراللي على أغصانه بعاد
ومن كان له جنحان ، بينهضونه = ترى السماء ماله مفاتيح وأصفاد

وسلااااااااااااامتك والحاضرين

[حي الضمير]

محمد بن عمار ـــــ فلاح بن منشار

بيض الله وجيهكم شعراء كبار مقامآ وشعرا
وابدعتوا ومليااار صح السنتكم

[الـزلـزال]

محمد بن عمار

صدى رائع وجميل
من شاعر متميز ورائع في كل مايقدمه لنا
أبدعت وأمتعت شاعرنا رعاك الله
دمت بخير وسلام ودام لنا حرفك
صح لسانك ملايين ملايين
ولك فائق تحياتي وتقديري

[منيع]

عملاقة الشعر بن عمار وفلاح
اذا وقع الشعر على الشعر بان الابداع
تحياتي لكم

[حرف وشعر]

رحم والديكم بن عمار وفلاح بن منشار

ابيات جزله وحروف يكاد صداها يصل للثريا

لاهنتوا يافطاحلة الشعر

[الطامي]

فلاح × م بن عمار
صح السنتكم
مساجلة طيبة
لاهنتو

[طوفـــان]

ماشاء الله تبارك الله ...

مساجلات طيبه من طيب قوالها ..

ياليت تستمرون ..

[بنت النور]

صح لسانك

قصيده جميله

يعطيك العافيه

[نجم الإبداع]

عساك سالم وغانم يابو عبدالعزيز

وصح لسانك حتى ترضى

كما اود ان اشكر كل من مر وسيمر من هنا

ومانثر من شذى في هذا المتصفح من اقلام رائعه لطالما الهبت المشاعر

ل حري ان اقف له احتراما

وحقيقه مقارعة شاعر بحجمك ليست باليسيره

اشكرك اخوي محمد على اعطائي هذا القدر من وقتك الثمين

واتمنى ان يدوم اللقاء والمحبه

لك ولكل من مر وسيمر

من هنا

جل تقديري

[عبدالعزيز العمار]

اذا حضر الشعر حضر الإبداع معه

وإذا حضر محمد وفلاح حضر الشعر معهم بإبداعهم فيه

صحت الألسن ولاهنتوا يانجوم الفطاحله

تحياتي لكم مع التقدير