من عقب موتك بكينا لين غاب الهلال

[نجم الإبداع]

يابيت يقري الضيوف ويطعم الجايعين=لاشك فقدك لابو سالم عظيم احتمال
مرحوم ياخالي الي ماوطى درب شين=حاز المراجل ومن في الناس يشبه هلال
عساك في عالي الفردوس مالفايزين = في جنة الخلد مشروبك من الله زلال
ياشيخ مايعرف الزله وعقله رزين = ماطاوع النفس والزمها بطيب الخلال
قفى عن اهل الردى وابعد عن الحاسدين=ماشي على الدرب ماقد جاه يوم اختلال
باهي المحيا ببسماته وشوفه تزين =مجالس الدار يوم تدور صفر الدلال
ماهوب قطاع ساقه بالمواقف يعين=في حزة الضيق عنده للفقارى بلال
من بيت جود اطعمو الجائع وهم معسرين=واليوم بعد اغتنى العالم تناسو الجمال
من ياصل الرحم ماله بين ربعه وزين=وانته وصلته وصدرك من صدور الشمال
لامن ذكرت المحاسن قلت طبعك حسين=وساعة الجد مالك بالمعالي مثال
نفسك عزيزه على جلب المراجل مكين=مايوم مديت بيدك مثل غيرك تسال
فقدك مكني وذكرى الطيب طول السنين=والجرح في داخلي معلوم برؤه محال
يالله تفرغ علينا الصبر والصبر زين=وكلنا في طريق الموت جني السلال
مرحوم يامن حياته تعجب الطيبين=وعقب موته بكينا لين غاب الهلال

[الطائر المهاجر]

الله يغفر له ويرحمه
ويتقبله في فسيح جناته
ويلهمكم وذويه الصبر والسلوان
ويعظم اجركم
وافيه من وافي لمن يستحق الوفاء
تحياتي

[احمد الجريفاني]

رحمه الله رحمة واسعة واسكنه الفردوس الاعلى وجبر مصابكم واحسن الله عزاكم

قصيدة عن الاف القصائد

[منيع]

ابيات رائعة ومؤثرة
نسئل من الله له المغفرة والرضوان وان يسكنة الفسيح من جنتة
تعازينا لكم وللاسرة الكريمة

[عمر ال شيبي]

الله يغفر له ويرحمه
ويتقبله في فسيح جناته
ويلهمكم وذويه الصبر والسلوان
ويعظم اجركم

[عبدالعزيز العمار]

رحم الله فقيدكم وأسكنه الفردوس الاعلى

صح لسانك يافلاح ولاهنت

قصيدة جزله ومؤثره من شاعر قدير

تحياتي لك مع التقدير

[عبدالعزيز ابراهيم المنصور]

رحم الله ميتكم واموات المسلمين اجمعين
ابو محمد
صح لسانك
سلمت ولاهنت
دمت بخير

[حي الضمير]

الله يرحمه يارب وعظم الله اجركم يابومحمد

وصح لسااااااانك على الرثاء المؤثر
وابدعت يامميز

[الـزلـزال]

نجم الإبداع

نص رائع وجزل
من شاعر متميز ورائع في كل مايقدمه لنا
أبدعت وأمتعت شاعرنا الراقي المميز
دمت بخير وسلام ودام لنا حرفك
صح لسانك ملايين ملايين
رحم الله فقيدكم وأسكنه فسيح جناته
وألهمكم الصبر والسلوان
تقبل فائق تحياتي وتقديري

[صعبة المنال]

باهي المحيا ببسماتـه وشوفـه تزيـن

مجالس الدار يوم تـدور صفـر الـدلال

صح لسانك

صعوووب