رمز السعوديّه سطع بالنور بين آعلامها

عبدالله راشد الثويني · 13-04-2011, 01:24 PM

السلام عليكم ورحمة الله وبركاته

لعلها تروق لكم

كان الدّول بآعلامها بين الخـَـلايق تفتخـر = رَمـز السعوديّـه سطع بالنور بين .. آعلامها
وكان الدّول بملوكـَها خطـّـت دواويـن الشعر =شعـّـارنا . وَقفات آبو مِتعب مكان .. إلهامها
ماضنْ لإنجازه لو إني زدت بحروفي حصر=ماينّحصر لو تَسكبْ الشعـّـار حِـبر آقلامها
صـَــقر العروبـه / خادم البيتين / للدنيا بدر =جَزل العطايا / دِرع دولتنا / وحدّ إحسامها
عينه لجل حفظ الوطن ماتشتكي طول السـهر =كم ليلة ً راع الوفا لـَـجل الوطن . مانامها
لبـّـى ندا اللي قد نخا طيبه وفالموعد حضر =واللي إعتزت به ماقوا الخايب ينوش إلثامها
أعمااا . العيون اللي بَغت فـَكْ التلاحم . وإنتصر =عَز القلوب الوافيـه / وآهل العداوه ضامها
من دوُن مابَرهن على ماقول لا جِـبت الخبر =مواقفه . تبْصم لها إكفوف الزمن بإبـهامـها
من طيبته لآهل الوفا / أبدا التواضع وإعتذر =حزّة وصوله صامدٍ كـ الليث يخفي سقامها
يقول : انا مَجبور دام الشعب . مافيهم كـسر =مشاعره مَع دولته بآفراحها /.. وآلامـها
الكـلّ يدعي له عَسى يبقى لنا طوُل العمر =دار السعد تحقـّـقت وياه .. كل آحلامـها
نفداك يـَـلي ماظهر حلياك مابين البشـر =يانَجل من لـَجل الوُطن أقدم وروحـه سامـها
يالوافي اللي من لـِـجا . لـِـحماك .. ماذاق القهر = على الوفا رَبعك تدوس الكايده .. بآقدامها
قدرك مكانه فالقلوب البيض خيـّم وإستقر = تَـكبر غلاتك ماقوا . من عَـدّ .. حصر آرقامها
في غيبتك ياسيدي شَـعبك شكا طوُل السفر =والدار مَهما تشتكي فرقاك / محدً لامـها
اليوم كنـّـه من بعد سافرت يالغالي شـهر = دنيا العنا ياسيدي ماعِدت اطيق .. آيامها
وبجيـّـتك زاحت إهموم الدار وإنزاح الكدر = من شافتك فاحت إعطور ورودها وخزامها
ندعي لك الله ياعسى تبقى لنا طوُل العمـر = ياروُح قاف اللي بدع قافه ومسك إختامها

الطامي · 13-04-2011, 02:16 PM

الثويني
صح السانك الين تقول بسسسسسسسس
رائعة جدا
والحقيقه انها من النوادر
ارسلها لهم لعل وعسى تقبل او يقولها احد على اسمك
شكرالك

منيع · 13-04-2011, 02:46 PM

اكثر من رائعة ومميزة
وبومتعب يستاهل وعساه ذخرللامه العربية والاسلامية
شكرا لك ولحرفك الصادق
تحياتي

حي الضمير · 13-04-2011, 03:02 PM

صح لساااااااااااانك يابوراشد
قصيده رائعه وابدعت
سلمت يمناك

عبدالعزيز العمار · 13-04-2011, 05:37 PM

ممتازه يالثويني ليتك شاركت بها

وابومتعب يستاهل وانت تستاهل الخير

صح لسانك يابعدي وماقصرت ..

جزل ماتجيب الا الجزل

تقبل مروري وخالص تحياتي

داعي الشوق · 13-04-2011, 05:47 PM

صح لسانك مليون يا بو راشد

قصيدة جزلة و وافية و تستاهل الجائزة

و كنت اتمنى لو ترسلها على عنوان المسابقة

و بالتوفيق يالسمح

و الله يسمح امرك

ولاهنت

*************