مدري وش تبي ,,

[النداويه]

حتى صباح الخير ماتلقى رضاك ..=لآ..وكيف الحال "مدري وش تبي "
ان كان قصدك بالجفا تبعد خطآك..؟؟=منته بمجبور تلبي مطلبي
يوم ان قلبي باح سده وش بلآك=ضاعت علومك فالخلآ ياصويحبي
مانت بقليّل ذات يوم الله عطآك=نفسٍ تقيه تعرف الله والنبي
أسهرت عيني بأنتظر لحظة لقاك =حتى انشفت عيني وحتت اهدبي
سقت القدم لآجلك على دروب الهلآك=الحب سرآني وأنا في مرقبي
لآتحسب اني يوم جيتك بارتباك=أحدٍ صفق خدي وجرجر غاربي
من عام الاول وأنت في عيني ملآك=فديت عينك ياعريب المنسبي
حملتني حمل ٍ وشلته من غلآك=لو كان من غيرك ابيخسى ويهبي
وإن كان هرجي ياحبيبي بيحداك=لك مذهبٍ بيّن وأنا لي مذهبي
وان كنت تجهل خافقٍ هزه جفاك=فانت تعرفني زين واتعرف اعربي
ياصاحبي كنت احسب ان لي في عطاك=قلبٍ ملكته حق ماهو من سبي
اكرام نفس الشخص من صوب احبباك=تتبع هوا نفسك ولو كنت تحبي
هذي مشاعر خافقٍ درهم وجاك=من هاجس قال ارحبي ثم ارحبي

[عبدالعزيز البليهد]

عذوبه تروي الذائقه

تمكن وسبك جزل

كثري وابهجينا بهذا البوح الرائع

صح احساسك وصح لسانك

[أم ريما]

صح لسانك

قصيده رائعه

يعطيك العافيه

[الخنساء]

يــــــوم ان قــلــبـــي بـــــــاح ســـــــده وش بـــــــلآك

ضـــاعــــت عــلــومـــك فــالـــخـــلآ يـاصـويــحــبــي

مـــانــــت بــقــلــيّــل ذات يــــــــوم الله عــــطــــآك

نـــــــفـــــــسٍ تــــقـــــيـــــه تـــــــعـــــــرف الله والــــنـــــبـــــي

صح لسانك مليوون ولايكفوووون

قصيدة جزلة من شاعر متمكن

سلمت ودام حرفك

[الحربي عبدالله]

صح لسانك يالندااااويه
ويسلم راسك على هذه الدره ..

[صعبة المنال]

أسهرت عيني بأنتظـر لحظـة لقـاك

حتى انشفت عينـي وحتـت اهدبـي

صح لسانك

صعوووب

[منيع]

ياسلام
اكثر من رائعة
كل الشكر لكم
تحياتي

[بيدي رسنها]

صح لسانك يالنداوية وسلم عمرك وحرفك .. ولاهنتي على هالدره الجميلة .. تحياتي الطيبة ..

[جهاد الشعلان]

الله الله الله الله الله

ابدااااااااااااااااااااااع والله ابدااااااااااااااع

قصيده رائعه اخذتني بعيدٍ واعدت قرائتها اكثر من مره ولم ارتوي منها


صح لسانك على هالابداع والسبك

تقبلي مروري

[نجم الإبداع]

الله الله

صح لسانك يالنداويه

والحمد لله عالسلامه

لاهنتي

تقبلي مروري

وودي