طعنة العام

[النداويه]

النفس طابت من صواديف الايام=الحال قشرا والأمل شبه معدوم
والله يعين القلب من طعنة العام=العام ولى وطعنته شخص مظلوم
في مسجده بالثلث الاخر ولا نام=وكل البشر في لذة احلام بالنوم
همي غدى مثل الحبر وسط الاقلام=ينزف على أوراق التوجاد واللوم
وصار الامل موجود في بنك الاوهام=ماقدر على وصله لو الوصل مجزوم
حسبي على الحظ الردي والتندام=الي وقف في وسط دربي كما البوم
وحسبي على من هو أسرني بإجرام=مابين قلبي والحشا كثر السوم
مايدري ان القلب صندوق الأحلام=راحت سنين العمر والقلب محروم
وصارت حياتي تنتظر حد الاعدام=ياااليت من هو يذبح الحظ واقوم
يمكن احصل حظ اخر ليا قام=بدل حياتي وأصبحت عقد منظوم

[ابو أنس]

الفاضله النداويه...................... ..
تقاطر عذب لكامات مضوغة بعنايه فائقه
نزف رغم حرقته الا انه جميل المظهر مري لذائقة القارئ
سعدت بمصافحة نصك الجميل
تحيتي وودي

[كظيم]

ياعيني ياعيني
النداويــــه
صح لســانك وقلبك
انا اشهــد إنك ابدعتـي في سرد هـ العقد المنظوم
ابيـات جزلــه ووافيـــه
نص مليئ بالألــم وروعـة التصـوير
ولا أجمل من الألـم إلا ابداعك في هالنص الجزل
اسعد الله قلبك
ابدعتي يالغــلا
تقبلي مروري المتواضع لاهنتي
ودي وتقديري

[حي الضمير]

صح لساااااااااااانك
قصيده رائعه وابدعتي
سلمت يمناك

[جهاد الشعلان]

اختي النداويه

ابداااااع ابداااااااااع

ابداااااع ابداااااااااع


قصيده رائعه من القلب للقلب

تمنيت انها اطول عشان استمتع بها اكثر


صح لسانك وسلم بنانك

[الطامي]

النداويه
صح السانكي
رائعة جدا
لاهنت اخي

[سناعيس]

صح لسانك يالندوايه
ولله درك
قصيدة رائعه بكل مافيها من امل والم


تحياتي

[عبدالله الدخيل]

النداويه

الله الله

صح لسانك وبارك الله فيك
قصيده جزله من جزله

واقبلي
ودي واحترامي

[المحيط الهادي]

الاخت العزيزه النداويه بيض الله وجهك

على هالقصيده بجد روعه ابداع

[عبدالرحمن بن زهير]

صح الله لسانك ولاهان شانك يالنداويه عذوبه وجزاله من شاعره متمكنه