لا جيت تبغى المحاور اضبط اعصابك

[الطائر المهاجر]

عندما طرحت موضوع طاش ما طاش للحوار ، فلم يأتي ذلك من فراغ ، فأنا أعرف أن البعض لايعجبهم
لسبب او لآخر ، لكن ما أحببت معرفته هو كيفية دخولهم في الحوار وكيفية الإبحار فيه بعقلية متزنة
تحاول أن تسحب الرأي المضاد إلى نقطة الإلتقاء ثم وبشكل تدريجي ايصاله للإقتناع بوجة نظر قد لايؤيدها
فالحوار له اصوله ، وقد سبقنا الغرب بمراحل في هذا الفن ، فهل نحاول أن نتعلم من بعضنا هذا الفن.

لا جيت تبغى المحاور اضبط اعصابك = واختر كلام يرجح درب تطلبها
لك رأي لا باس لكن حط في حسابك = للناس آراء فافهم كيف تحسبها

[ابراهيم بن سعد]

السلام عليكم ورحمة الله وبركاته....



استلم لاعدمتك/

ياشاعر(ن) نبدع القيفان باسبابك=حكمه تجي من خبير الكل يكتبها
المشكلة فهم بعض الناس متشابك=والدلوِماكل من جا البير يجذبها

[الطائر المهاجر]

انزل لهم بالفكر لو زادت اتعابك = وانظر بنفس النظر تدرك عجايبها
وليا تجابه عنيد الرأي لو صابك= خلك حليمٍ معه لو هو مجانبها

[ابراهيم بن سعد]

صحيح لكن قبل ذا حقّ مضرابك=تخالفت صار مخط الناس صايبها
الحق يلزمك غصب(ن) تفتح ابوابك=ولاتضيع الحقوق ان جاك طالبها

[الطائر المهاجر]

الفرق في العقل دامك تفعل اسبابك = خل الخليقة فربك من يحاسبها
والوعظ حكمه وتقبل كل ما صابك = وكلمه لطيفه تؤثر في جنايبها

[ابراهيم بن سعد]

حنا ترانا قرينا صفحة كتابك=تحز بالنفس كلمة وانت كاتبها
عن ماقصدته تثير الناس باعجابك=تداخلت والاشارة تاهِ ضاربها

[الطائر المهاجر]

صياد يرمي شباكه في وسط غابك = يريد يفهم دروبك وين تضربها
والرجل يرسل على موجات لابوابك = كنه عربسات في شرق ومغاربها

[ابراهيم بن سعد]

ان كان تاه الدليله نوّخ اركابك=ريّح مطيّتك واضرب تحت غاربها
مستقبل اشارتك وانا احسن اصحابك=ماتاضح الكلمه الا لين تعربها

[الطائر المهاجر]

ما كل شي يعرب عالي قبابك = بحرك عميق ونا موجي الاعبها
انوخ الركب وآقف حول اطنابك= عين تراقب وعين الله اراقبها

[ابراهيم بن سعد]

اللي تبصر فهمها وانشد اقرابك=بعض المخاليق ماتومن جوانبها
والدمعه اللي تهل من اسفل اهدابك=تِثّر وبعض البشر ماهوب عاجبها