ابو عبدالله تعال ! والي له نفس يقلط

[نجم الإبداع]

دكتور هات الرد ياصاحبي من شقرالامتان = مطور النغمات صغته مع بعض الفروقي
اعرفك شاعرمرهف الحس ماتخفاك الاوزان= جيتك وليل القاف رعاد يقصف والبروقي

[الطائر المهاجر]

لحنك جنوبي ونا لانيب شرق ويمان = وشلون اجاريك والطاروق دربه يعوقي
دور لنا سهل فالميسور فيه الضمان= ويادوب نمشي معه من دون جرح وفلوقي

[نجم الإبداع]

كفو يابو عبدالله
تراها عاديه
بس طال عمرك يبا لك تفهم طاروقها
والله شجن يابو عبدالله
على كل حال
نتقابل في ملحمة ابو زياد
ويمكن الاسمري يحوم علينا والا احدى الاخوان

لاهنت يابو عبدالله

وافي

تحياتي واحترامي للجميع

[ابو زياد]

ما تنلام يابو عبدالله
هذي حتى قراءتها عسيره
على العموم كلكم منتم هينين
وصحت السنكم

[نجم الإبداع]

يابو زياد النسج واضح ولا به غير الاشجان = لاتعتذر حاول ترى الشقر عن غيره يفوقي
طاروق متميز مع الليل يسري عذب الالحان = لو تفهمه ياصاحبي زين لاهملت الطروقي

[سناعيس]

كفو والله شاعرنا فلاح
ولايهون مشرفنا
وكل عقده ولها حلال


تحياتي

[نجم الإبداع]

حياك الله اخوي سناعيس
تشرفت بحضورك
لاهنت

ياصيد شارد في الحمى شاقني طرفك والاوجان = ياصيد وينك جس نبض الهوى داخل عروقي
ياصيد لو تدري بحبك سرى ذا القلب ولهان = واحترت ياصيد الحمى وانت مثلي بي شفوقي