مجلس ألغاز منتدى الفطاحلة

السلام عليكم ورحمة الله

هذا موضوع ان شالله يعجبكم وهو عباره عن اطرح لكم لغز واللي يحله يعطينا لغزه


راح يكون هناك تفاعل بيننا ان شالله


وليت تكون الالغاز سهله يعني وسط عشان ما يتعلق اللغز ويطول


واقترح اذا طول اللغز اكثر من ثلاث أيام يتغير اللغز للغز اخر من صاحب اللغز


اتمنى ان الفكره تعجبكم


ويشرفني ان اطرح لكم اللغز الاول

ياويش شيٍ ليا دخل ماتقول اح=وليا اعترض ما اطلعه كود بالطول
أسمه هو اسمه وان قلبته يجي صح=احيان يلقى بين يديك محمول

ا

[الطائر المهاجر]

اللسان
ولكن وشلون اذا قلبته يجي صح ؟؟
ويقدم مع راس الذبيحه لك
هذي رمعه... وانت ابخص

[الطائر المهاجر]

وانشدك عن عذرا بلاخشم وعيون = من شافها ياقف يطالع بهاها
والبعض منا دايم الدوم مفتون = يجلس يطالعها ويمسح شفاها

هلا وغلا


مالاك لوى طال عمرك

بعيده ابقربلك

احيان يلقى بين ايدك محمول

بعني حول ايدك

وهو شي جماد

انتظرك

[نسناس الهوى]

مسهم بالخير
سؤال على لغزك يا النازي

" أسمه هو اسمه وان قلبته يجي صح "

الأسم اذا انقلبت حروفه يجي نفسه .. ولا "قلبته" عائده لنفس الشيّ يعني اذا انقلب هو غدا اسمه هو اسمه

المشاركة الأصلية كتبت بواسطة نسناس الهوى

مسهم بالخير
سؤال على لغزك يا النازي

" أسمه هو اسمه وان قلبته يجي صح "

الأسم اذا انقلبت حروفه يجي نفسه .. ولا "قلبته" عائده لنفس الشيّ يعني اذا انقلب هو غدا اسمه هو اسمه

هلا اخوي النسناس

اذا قلبته يجي صح يعني اذا قريته من الجهه الثانيه يكون نفس الاسم ..مثل ( ليل )

تدرون بما انه هو اول لغز ما راح اخليه يطول

الحل هو... كبك


اللغز عند الاخ د. عثمان العبدالله

وانشدك عن عذرا بلاخشم وعيون = من شافها ياقف يطالع بهاها
والبعض منا دايم الدوم مفتون = يجلس يطالعها ويمسح شفاها

رمعه سريعه على لغز اخوي عثمان العبدالله

اتوقع الشمس

[نسناس الهوى]

المشاركة الأصلية كتبت بواسطة المشرف العام

وانشدك عن عذرا بلاخشم وعيون = من شافها ياقف يطالع بهاها
والبعض منا دايم الدوم مفتون = يجلس يطالعها ويمسح شفاها

علبه او قارورة هي يا ابو عبدالله؟

اتوقع انها المرايه...

[القعود]

كتبت فاجزلت
جزيت خيراً
تحياتي