الى المقدم / فلاح بن ضيدان الشمري

[محمد المغيلث]

السلام عليكم ورحمة الله تعالى وبركاته

مسائكم شعر وقوااااافي ومطر

غبت دون ارادتي وعدت اليكم بهذه القصيده التي لن تفي بالغرض المرجو منها

تجاه الشخص الرجل المحنك التي قلتها به ومهما قلت فلن افي او اصل الى ما

في قلبي وفكري تجاهه حيث انه قام بما عجز عنه الأخرون دون معرفه ولكـــن

من باب الحميه والنخوه التي يتحلى بها ابناء قبائل شمر بينهم هو مادفعه لهـــذ

العمل الشهم ف لله دره وكثر الله من امثاله واعلى الله بالدنيا والأخرة مـــــراتبه

ودرجاته انه سميع مجيب ,,,,,

===========

يالله اني طالبك ياذا الجلال=ياقوي العزم منك المقدره
ياعظيم الخلق بحره والسهال=والجبال الشم بارجاء الكره
انت يارب الملا ياذا الكمال =لاوهبت النصر عبدك تنصره
يالله اني طالبك في كل حال=هئ احروف الهجاء لي وانثره
بمدح ابن ضيدان يالهاجس تعال=واصحب اشعوري وشعري واجبره
في فلاح القرم هل القاف هال =يوم هل القاف يامستشعره
للرجال افعال واعلوم تقال=وكل رجالن فعوله تشهره
للرجال الصيت بانواع الفعال=وللرجال الذكر فيما تخبره
دبرة الله معجزه بين الرجال=خصها الواهب عظيم المقدره
الجزايل ماتبي غير الجزال=كل جزل والجزايل تفخره
والهزايل ماتبي غير الهزال=كل هزلن والهزايل تدمره
بالكريم النادر اللي له خصال=لو بغيت اعدها يامكثره
بالمعرب من عمام ومن خوال=في هاك الذيب المقدم ماكبره
عزوته واليا اعتزى راع الدلال=فايدي والاسلميه خنجره
وعزوته واليا اعتزى للمجد نال=كيف لا. لا والجدود مسطره
بالحرس له سيرته لاجا مجال=حي هالسيره وربي نوره
النعم لاحل طاريه يقال= في ولد ضيدان كلن يذكره
من لفى له من جبل شمر ينال=من عنى له كل صعبن يسره
كل صعبن للنشاما مايحال =والعجوبه مايحب المشكره
ماحتسى للفعل قواااال القواااال=مايبي للفعل شخصن يصطره
هي غريزه بالكريمين الزحال=خصها الله والوهايب مغفره
ياجبل شمر وياااا هاااااك التلال= وياااااجبل سلمى تكرم قدره
قدر اللي للنوايب مايعال=بالتواضع سيرته يامفخره
هيه ياضيدان للعارض تعال=شوف خيال الكحيلا ناظره
شوف ابن ضيدان يالمرحوم نال=بالفاعايل تهتويه النادره
النوادر شالها رااااع الفعال =والمكارم والعلوم النيره

=========

[الفاخري]

شكرا لإمتاعنا بإبداعك
لاهنت
تحياتي

[منيع]

اكثر من رائعة
تسلم اخي الكريم
ربي يرعاكم
تحياتي

[كظيم]

محمد المغيلث
صح لسانك وفكرك
نص رائـع وجـزل
ويستاهل النشمي مدح النشاما
لله درك يابعـدي
تقبل مروري المتواضع لاهنت
ودي وتقديري

[حوريه]

من طول الغيبات جاب الغنايم
والحمدالله على السلامه
ابدعت يامحمد
صح قلبك ودام حرفك
0
0

[المحيط الهادي]

قصيده جزله من راس جزل

واكيد انها ماقيلت الا في منهو يستحقها

وفقك الله لما يحب ويرضى

دمت كما تحب

[عبير الورد]

صح لسااااااانك ملايين
سلمت وسلم منطوقك الجزل
ربي يعطيك العافية

[نجم الإبداع]

الله الله

صح لسانك يالمغيليث ويستاهل بن ضيدان

لاهنت

تقبل مروري

وتقديري

[محمد بن عمار]

صح لسانك وجاد بيانك
يالشاعر وراعي الخير
يستاهل الخير،

[عبدالعزيز العمار]

صح لسانك يامحمد والحمدلله على السلامه

وانت وابن ضيدان تستاهلون كل خير

تحياتي لهطولك وتقبل مروري وتحياتي