شربنا من المذله

[الطائر المهاجر]

شربنا من المذلّه وارتوينا = وكلٍ صار تايه في مساره
نشوف الظلم لكن ما بيدينا = ونكضم غيضنا قهر ومراره

[سناعيس]

هلا بك أيها الطائر المهاجر
واستلم قبل ماتهاجر طال عمرك
والمعذره على التأخير

ألا ياطيرنا وشبك علينا=وحنا كل(ن) مكبل بداره
تعودنا على الذل اللعينا=لأن الخوف يحكمنا بقراره

[الطائر المهاجر]

اذاً كل البلى منا وفينا = تغيرنا مع اضواء الحضاره
مع النعمه عن المقبل سلينا = ولا خذنا من الغير اعتباره

[سناعيس]

لوانّا يارفيقي من بدينا=تعلمنا أساليب الاماره
وقلدنا عمر والسابقينا=يحسب حسابنا من به جساره

[الطائر المهاجر]

"لو انا" ماتفيد اليا انتهينا = تخلفنا وكلٍ طق طاره
وطاروا في السماء واحنا بقينا= ننتب مجدنا رغم انحساره

[سناعيس]

نعرف الحل اذا منابغينا=ونعرف ان العدو بيشب ناره
ونعرف انه يخطط يحتوينا=وهذا ضعفنا أول ثماره

[عبدالله الشويمان]

المشرف العام
و

سناعيس

يا مال العافيه

سلمت عقولكم

نتابعكم على الطرق وتكينا
وكل يستحق اليوم شاره
نبي ندرس طروق العارفينا
ولمع اللولوه وسط المحاره

[نجم الإبداع]

الطائر المهاجر

سناعيس

ابدعتم في هذا الطاروق الاخاذ
والطيار ماقصر حط البصمه
واصلوووووووووووووووووو
لاعدمتكم

[الطائر المهاجر]

المشاركة الأصلية كتبت بواسطة الطيار

نتابعكم على الطرق وتكينا
وكل يستحق اليوم شاره
نبي ندرس طروق العارفينا
ولمع اللولوه وسط المحاره

مع السنعوس ظني ما غزينا = ومن الطيار ما شفنا شاره
يطالعنا وكنا ما درينا = نبي ينزل ويحتاج لخفاره