( يا إلهي .. كُـليب كله مات .. ) .. ؟؟!!!

	( يا إلهي .. كُـليب كله / مات ) ..؟!! صرخة الزير .. هزت ضلوعي .. وزلزلت روعي يوم أنا مثله .. بكيت .. و ناديت للريح وعزيت ( ياربي .. هالحبيب كله .. بيوفي بات .. وأنا لحبه احتويت ) ..؟!! هذا وانا توني .. منه .. عنده لاجئة أستجير .؟!! كيف أحمل همه حي .. و أنا قلبي منه .. مات ؟! وكيف ميت حامل ٍهم .. حي وبخير ..؟ مثل موت الحلم .. بكسرة خبز بيد الفقير ..! شفت ما أكثرك و ما اكبرك عندي .. ياشقاي و عذابي وسهدي شفت كم انت كون .. لايرخص ولا يتزعزع ولا يهون ..؟!! وليتك تدري .. انت عندي فعلا وش تكون ..؟! برغم انه لا دليل .. ولا وعد ولا أمل قلبي كله .. بكلي صوبك من الفجر ودعني .. و رحل ماانتظر حتى .. شقة النور ولا بل ريقة بشوية أماني .. ولا تزود بحفنة .. سطور حتى الحروف عافها .. من يوم ذيك الموتة بعينك .. شافها من نزع عن عذراء المواعيد .. الحافها ..؟!! وعرى وجه المرار وهدم للزهور جدار وقال : لا تحلمين .. روحج مالها عنده وطن وطيوفج هو .. والله ما شافها ..!! ما لقيت في كل الأحقاب لك مرسى لفيت كل الأزمنة .. هذا ممرد من قوارير وذاك .. يغزو .. وذيك تُغزى ..!! وهنيه قصور و مداين عشق .. وحرير وجواري .. مقيدات بأمر الأمير وشهرزاد .. تحكي ألف ليلة وليلة شي تذكره .. وشي من وجع غلاه .. تهابه وتنسى .!! وياويل ظالم حبيبه .. من الله .. يا ويله .؟ لاجلك .. مريت الأكوان .. شمال وجنوب ومدن ملح .. و سوالف دخان ..!! مدرجات رومانية لألف قصة عشق .. خالدة و مروية هوى قيصر و سندته على كفي .. وهو يصيح ( حتى أنت يا بروتوس طعنتني .. وعنتهم عليه .. !! ) الصرخة الموجعة غدر .. ما زالت تنزف منها أذني .. حد أناملي و ايديه ..! ظلم و خيانة وقهر . كلها مريتها .. وقصتي معك يا ظالم نحت ارموزها على جدران كنوزها وعلى متن السحايب .. سافرت بها .. ومطر بكيتها ..!! و أنت .. مر العمر وهالطفلة ماجيتها بس تتفنن في حربك لها .. و يشغلك بس كيف تقضي بعيد عنك .. و بيديك نحبها ..؟!! وكيف لا غفت .. تقدر تغث بطيوفك امبيتها كل هذا ولا رفت و حنيتها ..! وليتك تدري .. انها ماخلق ربي في حبك مثلها لا بعدها .. ولا قبلها وانك الوحيد اللي حفر بجفاه وعناده جوانب قبرها ..!! وطفيت بكفوفك شعاع النور ليلة زفافه النور .. لغالي عطرها .! عاشت مليون عام في غلاك وماتت ملايين السنين .. من جفاك ولا طريتها مره .. وهي حتى طرف جديلها طراك وقروك فيها .. كل اللي شافوها في عينها .. في جيدها .. وخضاب كفوفها وعلى وجهها ما شافوا الا .. محيّاك ..! ولافكرت تزورها .. و تسقي بكلمة طيبة موات زهورها ..! ولا جربت ولو مرة كيف هو جنة لمن جناه راقي و حنون .. حضورها ..! بس ياليت .. أقول ياليت ما تنسى ولا تبخل .. لي ماتت توقف على قبرها .. ببعض الأوركيد ( تزورها ) ..!!

[الطائر المهاجر]

سطرت بدموعها نزف مضى كله جراح = وهيضت مكنون خافي يعتصر قلب انظلم
ليه يادنيا عليها وين فجرك والصباح = كلها صارت سراب ولا بقى غير الألم

[الخنساء]

وليتك تدري ..
انها ماخلق ربي في حبك مثلها
لا بعدها .. ولا قبلها
وانك الوحيد اللي حفر بجفاه وعناده جوانب قبرها ..!!
وطفيت بكفوفك شعاع النور
ليلة زفافه النور .. لغالي عطرها .!
راااائع ما تكتبيه شاعرتنا الحساسه ذات الاحساس الرقيق
شيخة الشيخات ان القلب ليحزن عن تلك المشاعر الفياضه
فهل يستحق لمن كتبت له؟؟؟؟؟؟؟؟؟
سلمتي وسلمت خاطرتك التي تفيض مشاعر واااحزان
اجمل تحيه وتقدير

وليتك تعرف شي من القديم ،،

وبعض ٍ من جروح الجديد ،،

ظالم ،، ومظلوم ،،

وقصة ألم ،،

لابكا ،، لاوجد ،،

لا لحظة ندم ،،

وآه يا ِدنيا ،،

يقولون ،،

هم يقولون ،،

حنا مسيرين ،،

أدري ،، يقولون ،،

ولكن مادروا : إن الخيانة طبعنا !!!



أيتها الجميلة ،،

كم سعدت بهذا الحرف هاهنا ،،

تحية للأقحوان الغافي بين طيات سطرك ،،

المشاركة الأصلية كتبت بواسطة المشرف العام

سطرت بدموعها نزف مضى كله جراح = وهيضت مكنون خافي يعتصر قلب انظلم
ليه يادنيا عليها وين فجرك والصباح = كلها صارت سراب ولا بقى غير الألم

دكتور
مرورك فجر عيد .. وبسمة مواليد
شرفتني أستاذي
ورفعت راسي بمرورك



عساني ما اخلا من طيبك

[احمد الكثيري]

السلام عليكم
ما اجمل ان نشاهد المبدعين وهم
ينثرون ابداعهم الرائع على هذا الصفحات
الجميله ابداع رائع لاهان راسك
لك مني كل الود

[الغريب]

وكيف ميت حامل ٍهم .. حي وبخير ..؟
مثل موت الحلم .. بكسرة خبز بيد الفقير ..!

الشيخة

هنا استوقفتني مشاعري

وبعدها احسست اني لجمت عن الكلام

رائعه جداً ، جداً

يعطيك العافية وماقصرتي

غريب

يثبت الموضوع 7/5

جمال في الفكرة ،،

وأسلوب راق في الطرح ،،

[المؤذن]

مشكور
على ما افدتنا به
تحياتي

[الحويطي]

الف شكر
على ماجاد به قلمك
تحياتي الطيبه