مسدار ( خولة ولا بتخاف )

[محمد اسماعيل الرفاعي]

هذه اللونية من النظم تُعرف بالمسادير وقد أشتهر بها في السودان أهل مناطق البطانة حيث الإبل والرعي والطبيعة .. ولها قطعاً مفرداتها وطريقة أدائها ،

بت الأزور السمرا الصِحت مفزوعــه
من سيرة الفُراق زي التقول مصروعـه
بي حُرقه وألم والسيل كــــأنّو دمــوعه
فاجـــــأت الجميـع بالأسئلة المشروعـه
*****
يا السـاده الكبـار مالكم خلاص جنيتو
كيــفن يــــا بشـــــر الزول بكسّر بيتــو
فرتقتـــــوا الوطـــن قطّعتوا صُرة خيتو
غشّـــــــاكم غشيم جايين تطلِّعو زيتو ؟
*****
ديل ناس زعيط ومعيط سووا المديده الحاره
ولو قمتو اتقسمتو حرّم تجيكم تارّه
ما التاريخ حصيف بحفظ جليلة وضاره
وما بصد القزاز في يوم حجارة الماره
*****
يا مـــــايكل أخوي انا لسه فيك عشمانه
أديهــــم دروس والوحده عظّم شانه
ما تسيب البلـــــد وسط الخلوق عريانه
ما تبــــــــرا الجُهال أبّان صدور مرضانه
*****
ما أصلــــــو الوطن من الجدود وارثِنــــو
حبينا الجنـــــوب وشمالنا ما نــــاسنـــــــو
والنيل العظيـــــم الكــــــــــــــــل بيشرب منو
زي ناس ساس وسوس ديل ما بيعرفو حِنو
*****
يا مــــريم أرح نسكــــن وسط أمبــــــــده
بي كسره وملاح عند ناس سوزان نتغده
نتكاتــــف ســـــوا ونرفـــــض علوق الشده
ما نبرى الدخيل الزي ديـــــــــوك العده
*****
يــــــــا وليم دحين ورينا بس شين قولك
ناس أوكــــاش وطه ياهم سِنادة طولك
أوعاك من دروب القالـــــــوا ليك همبولك
وكيف تبرى الدخيل وإنتــــــا البتعرف زولك ؟
*****
يا سلفا وبشير .. ماتسمعولها الحرشه
ماتبقو البعير القاصمه ضهرو القشّه
في الخير الوفير ما بتلقو حتى العفشه
والغاصب الدخيل داير يعبّي الكرشه
*****
يا عثمــــان وجـــون قومــــو وتعــالو حِـدانا
إيدكم فوق بعض خلوكو ديمــــــه معانـــــا
حين برق السعد يغمر ضياهــــو دُجـــــانا
لا بنخشى الدخيل لا العتمه يوم تغشـــانا
*****
يا خوله البتول قولك صحيــــــــح سراني
زي طيف السرور غامر عميق وجداني
كُت قايل براي شايل همــــــــــوم اقراني
إلا لقيتــــــــك إت يـــا نمّــــــتي وأوزاني
*****
خوله الجاتنا مــن بين الجموع تتنبّر
قالت لا بتخاف من ملكي اومن عسكر
تقعد بالغصب في ذا الشمـال تتحكّـر
والوطن الحبيب ما تسيب صفاو يتعكّر
*****
يا أهل الجنوب واهل الشمال إتلموا
وحّدوا هالوطن من تاني أهدوا وسموا
لي ريحة الشتات بالله أوعا تشموا
والأفعى الحقير خلوهوا يبلع سمو
*****
أبشر يا وطن يا الديمه فارس حوبه
غنّوك البنــات حاديهن الحبوبه
دي بقرتك يمين تريانه ديمه حلـوبه
والبقرب حِماك حايلقى دق اللوبه

الإثنين 1 /11/ 2010م

[داعي الشوق]

مشاعر وطنية ساميه

نؤيدها و بقوة

يعطيك العافية شاعرنا

مع التقدير

***********

[عرق الماس]

تسلم يدك..
مشاركة وجدانية..وروح وطنية صادقة
أسأل الله لم شمل الأمة العربية..
واستيقاظ شعورهم بضرورة الوقوف الى جانب بعض..

تحية الاسلام

جزاك الله خيرا وبارك الله لك وعليك

أزكى التحيات وأجملها..وأنداها

وأطيبها..أرسلهااليك

بكل ود وحب وإخلاص..

تعجز الحروف أن تكتب ما يحمل قلبي

من تقدير واحترام..

وأن تصف ما اختلج بملء فؤادي

من ثناء واعجاب..فما أجمل

أن يكون الإنسان شمعة

تُنير دروب الحائرين..

دمت بخير

رحم الله والدي ووالديك

الحاج لطفي الياسيني

[عبير الورد]

سلم بوحك الراقي
يعطيك العافية

[الراقي]

سماؤك أحرف

و أرضك زهورا

و استقريت بنا عطورا

^^^^^^^^^^^^^^^

[الطامي]

الرفاعي
صح بوحك وفكرك
مشاعر وطنية
ورائعة جدا
شكرا لك

[بدر العيد]

الرفاعي :ـ

مااجمل الاحساس الوطني حينما يغلف بقصيدة وتهدى للوطن

سلمت شاعراً لوطنك وللوطن العربي اجمع

[محمد اسماعيل الرفاعي]

المشاركة الأصلية كتبت بواسطة داعي الشوق

مشاعر وطنية ساميه

نؤيدها و بقوة

يعطيك العافية شاعرنا

مع التقدير

***********

داعي الشوق
دام هذا التاصل الحميم والتفاعل الجميل والمؤازرة الطيبة ..
دم بكل خير

[محمد اسماعيل الرفاعي]

المشاركة الأصلية كتبت بواسطة بدر العيد

الرفاعي :ـ

مااجمل الاحساس الوطني حينما يغلف بقصيدة وتهدى للوطن

سلمت شاعراً لوطنك وللوطن العربي اجمع

وما اجملك عزيزي بدر العيد وأنت تشدُّ من أزري وتشرفني بحضورك الجذل ..