الموتر الصيني

[نجم الإبداع]

ياموترٍ من صنعة الصين رعراع=الي بسوق العرض دفعه رباعي
شفته وماناسبنني فيه الاوضاع=رفارفه متخلخله والذراعي
تجميع والماطور فيه التصرقاع=كم رجل داست فرشته والسواعي
صوته تقول العنز لاجات مرباع =مكينته ديزل وقيره سباعي
ماساقه الا كل راعي تنطاع =ماينقل الا حمل فوقه جماعي
مرسوم فوق الجنط نخله للامتاع =واشوف له بين المخاليق ساعي
لامن مشى بالخط تسمع تقرباع=واليا لقى طلعه يدقر يباعي
قالو لي ان الموتر الشين لذاع=مايشرب الا من سموم الافاعي
قلت ابصره مجنون في كل الارياع=قالو رخيص السعر للانتفاعي
وقالو لي اعطاله كثيره ونتاع =قلت ابعدو عني مويتر مشاعي
ماهو كما المرسدس في وقت الامتاع=الي في الطرقه لراعيه راعي
من وارد الالمان فني بالاجماع = تغري الزبون مكينته يوم زاعي
والموتر الصيني لو انه بمقراع=ماشريه لو بريال وقت المباعي

[الطائر المهاجر]

قالو لي ان الموتـر الشيـن لـذاع
مايشرب الا مـن سمـوم الافاعـي

انحش وخله لا يحوشك اذا فاع= جسمك هزيل ولا بقى بك نخاعي

صح لسانك
ولاهنت
تحياتي

[منيع]

ههههههههههههه
ياسلام عليك يابومحمد
عزالله انك قلت الحقيقه
تحياتي لكم

[سناعيس]

هههههههههه
وش حدك على الصيني يابو محمد
صح لسانك وبيض الله وجهك
ولاهنت

تحياتي

[عبدالعزيز ابراهيم المنصور]

صح لسانك يابو محمد لاهنت دمت بخير

[عبدالعزيز البليهد]

صح لسانك ولاهنت

الي يغني عن الناس ويقضي الحاجه هو المبارك

ربي يرزقنا وياك العفو والعافيه

[(ابو ريم)]

والله الأشياء الصينبة يابو محمد اصبحت مطلوبه
ومرغوبه وطغت على كل شي .... ومثلما قال
عبدالعزيز الي يغني عن الناس ويقضي الحاجه هو المبارك.

صح لسانك ... قصيده طيبه من رجل طيب .
اسأل الله لنا ولك العفو والعافيه ؟

[زهرة اللوتس]

الصين هي الأسد النائم الذي سيأتي زمانه ويبرز أنيابه للعالم"، نابليون بونابرت.

لقد صدق نابليون القول، وها أن الصين، هذا البلد الذي يرزح تحت عبء كثافة سكانية ثقيلة جدّا، نجح في أن يحقق المعجزة ويخرج من بين براثن الضعف الاجتماعي ليدخل الأسواق العالمية من أوسع أبوابها، وأضحت البضاعة الصينية علامة تجارية بارزة أغرقت الأسواق العالمية، ولم تكن الأسواق العربية بمنأى عنها.

لقد اكتسحت البضائع الصينية الأسواق العربية وأصبحنا نشاهد عبارة "صنع في الصين" على كل شيء من الإبرة إلى السيارة. حيث تعددت أنواعها، بدءاً من الأجهزة الكهربائية والأدوات والتحف المنزلية مرورا بلعب الأطفال والملابس وصولا إلى الملابس والأحذية ذات الماركات العالمية المقلدة، ناهيك عن السيارات الصينية، رخيصة التكلفة متوفرة قطع الغيار


صح لسانك
ولاهنت
تحية طيبة

[عمر ال شيبي]

صح لسانك لا هنت ابد

جزله من جزل

[عيدالماجد]

صح لسانك بالفعل كلامك صحيح 100%