حنا العــرب وليا ورطنا ورطنا ...!!

[سلطان العطاوي]

سلآم من رب رحـيم

كيبورديه لم تنقح .. لا تعني الا مافيهآ

أرجوا تمريرها ..



صلوآ على محمد

البارحه من شطة الوضع شطنا = وراحت سوآلفنا تحت ضغط مغاط
لو كآن ماجانا غلط ما غلطنا = ولا تهاددنا على عد الأنواط
في مخنا أنا تونا ما هبطنا = وحنا ورى سبعين مليون قطاط
ليا لقينا شي تافه لقطنا = وليا عرفنا شي ذباح نحتاط
آخر دواهينا وعاتي خططنا = سقنا سياستنا ورى هوش مطاط
حنا العرب وليا ورطنا ورطنا = كم بيننا حبل القشر والنشب شاط
نكره بعض وليا اجتمعنا شرطنا = نكون مكشوفين مافيش غطاط
وحنا على احبال الخيانه ربطنا = اطيب نفر فينا قطع حبل الافراط
الله يسامح وقتنا اللي عرطنا = لين انتفخنا من تماثيل الأسبآط
عشنا نبي نزرط وصدق انزرطنا = وصارت قضايانا تحت ضغط مغاط

[محمد العسكر]

صح لسااانك مدد مدد مدد

حنا العرب وليا ورطنـا ورطنـا

كم بيننا حبل القشر والنشب شاط

ابداااع وتمكن جزاله واضحه

شاعرها كتبها بعنايه فااائقه

فاتت قويه بكل ابياتها

[نجم الإبداع]

ارحب ياسلطان

وصح لسانك على المصافحه الجزله

لاهنت شاعرنا

لاهنت

تقبل مروري

وتقديري

[حوريه]

آخر دواهينـا وعاتـي خططنـا
سقنا سياستنا ورى هوش مطاط

صح لسانك واحساسك يا سلطان

رائعه وجميله من شاعر أجمل

دمت وداام حرفك

0

0

[حي الضمير]

صح لسانك يالعطاوي
قصيده رائعه وابدعت بارك الله فيك
أجزل التحايا والاحترام

[سناعيس]

ياسلام عليك ياسلطان
شاعر مبدع
قافية رائعه وجزالة متناهيه
لاهنت

تحياتي

[الطائر المهاجر]

سلمت
وصح لسانك وفكرك
ولاهان راسك
تحياتي

[داعي الشوق]

ايوالله انزرطنا

تسلم يالعطاوي

وصح لسانك ملايييييييييين

و لاهنت يالذيب

قاف كايف من شاعر رائع

تحيتي لك
،،،،،،،،،،،،،،،،

[احمد الكثيري]

سلمت وبارك الله فيك

[الراقي]

لاَفُض فُوكَ شَاعُرنا القَدِير..

قَصِيدة حَاكت الجَمال ~

صح لسانك

^^^^^^^^^^^