صادوف الايام ( طرق التحدي )

[بنت القصيد]

اسعد الله اوقاتكم بكل خير
اضع بين ايدي ذائقتكم جديدي على امل ان ينال استحسانكم
نص على طرق لاول مره اكتب عليه وكان تحدي بيني وبين احد الاخوه

يْسيل حبر الليالي فوق طرس العمر ويخط المصير=صادوف الايام مكتوبن لنا والعمر شقّته الصدوف
العام نزرع مع الحظ الوفا كود الوفا يثمر بخير=لين ارتخى عزم حظي ويل حالي من مقاريد الظروف
انخيل براق لمعه فوق خد الغيم ينذرنا نذير=وانعاين آمالنا تبكي علينا فوق في عرض القنوف
سرب الفرح ما لقا له في سما الاقدار يا عمري بشير=وانداحم اوهامنا في ليلتن تشره على المتن الكتوف
ياداهن السير لا تدهن وخل السير مع حظك يسير=وان ضايقك فعل حظك لا تلومه كب لومك للحتوف
واقدح شرار الاماني شب نار الحلم من شان السعير=لا ناش كفّ الليالي يحرقه من بدّ معْرضة الكفوف
كم طير يشفق على حضن السما وان طار ضاق من المطير=يبكيه وجه البسيطه لا نظر له مجدبن تحت الضعوف
محدن تهيّاله الوقت وفرش ماطى خطاويّه حرير=وان كان حاول على سوق السعد مادام للوقت مْعروف

[الطائر المهاجر]

هيه ياللي لاترد ولا تفاعل= شايفٍ حالك علينا وش بلاك

[عبدالله راشد الثويني]

أختي الغاليه / بنت القصيد
صح لسانك مليون ولا يكفون ابدعتي وأمتعتي
نص راقي كرقيّ حضورك
تسلم يمناك على ماخطت
طامعين بالجديد دائماً
تحيتي

[عذب القوافي]

حضور في المقاعد الأولى ولي عودة تليق

تقديري ,,,,,

[صالح سعود]

مدام للوقت معروف


بنت القصيد


صح لسانك
ودام ابداعك

[عمر ال شيبي]

صح لسانك لا هنتي
نبي تفاعل منكم

[عبدالرحمن بن زهير]

بنت القصيد صح الله لسانك وانتي شاعره مبدعه ولايصعب عليك شي دام هذا شعرك....

[عبدالعزيز البليهد]

دعوه للتفائل

اطلالة جميله من اختنا وليت كل يوم تحدي

صح لسانك ولاهنتي 10/10

[مبروك بن ماضي]

شاعرنا القدير/ بنت القصيد

صح لسانك وعلا شانك

قصيده عانقت السحاب بروعتها . .

دمت بهذا الحضور وهذه الشاعريه.

تقبل فائق التقدير والاحترام

[عذب القوافي]

بنت القصيد حضرتي وحضر الإبداع في معيتك

صح لسانك على هذا النص الجميل

تقديري لنبضك الفاخر .