أنا لسان القوم وأجملهم

[شجاع عمر الأكلبي]

أيها الأخوة هذه القصيدة قلتها يوم الأربعاء 21/8/1430هـ 0 في محافظة العرين بالجنوب وكانت المناسبة دعوة من آل خريم آل كيرعان لقبيلة الجبرة على روس مشايخهم الثلاثة وقد حضر المناسبة جمع كبير من قبائل عبيدة قحطان

وعسى أن تجملني فيمن قيلت فيه

بإسم الكريم المعطي المناني=رب ٍ عظيم ٍ واحد ٍ رحماني
أخير مايبدا الكلام بذكره=اللي بيده العفو والغفراني
من يرحمه يجزاه روض الجنة=ومن يبعده يجزاه بالنيراني
نسألك يالله رحمتك ترحمنا=ونفوز بالفردوّس عالي جناني
من بعد ذكر الله سلام ورحمة=تغشى الجميع برحمة ٍ وآماني
فالح زهمنا يوم جاته دعوة=يقول أنا داعيني الكيرعاني
ولولاه كفو ٍ ماعنينا وجينا=كريم سبلا معزب الضيفاني
رجل ٍ يجمّل من مشى في شانه=ساسه عريب وطيّب المجاني
قال المعزب محتسي جيّتكم=لكباركم وصغاركم ودّاني
ثم أجتمعنا في رضاه وسرنا=ورضا المعزب مطلق الحجّاني
وشيوخنا ثلاثة ٍ نتبعهم=أدناهم اللي يمّن الحدّاني
إبن بشر شيخ ٍ ينومس فعله=أبوه راجح فارس الفرساني
وأبو خريص اللي يضد خصومه=شيخ ٍ يفدّع للضيوف سماني
والشيخ إبن هذال حي حجاجه=للضد سيف وللكرم صيواني
وأنا لسان القوم وأجملهم=أفعولهم تطلق مقال لساني
لامن بدا شان الرفاقة حاضر=عسى الولي للطيبة يقداني
لي هاجس ٍ لامن دعيته حضّر=يمطر على فكري كما الودّاني
أبيع في سوق الجزيلة وأشري=من شأن ترفعني ولا تهماني
أماشي الطيّب وأنا عون له=ولانيب أماشي واحد ٍ يشناني
فوين الثقة يضبط معاني قولي=آخاف نقد اللي يبي يتناني
أما نقود ٍ عارف ٍ ومسلّط=ولا كذوب ٍ يفتري ويدهاني
بني خريم أباتحدّث فيهم=بعلم ٍ عرفته حق وآخر جاني
ألاد شايع سعد من ينخاهم=عون الرفيق مدلهين الجاني
أهل الشجاعة والكرم والوقفة=الوقفة اللي ترهب العدواني
لاصاح صيّاح الضحا لبوا له=قروم قوم ٍ كلهم من داني
دعوا العبيدي كلهم هل وقفة=ولا غرابة جدّهم قحطاني
يتلون إبن وعله كبير السمعة=شيخ ٍ حكيم وللضديد سناني
رجل كريم وللرجال مجرّب=لا أظلم سواد الليل نجمه باني
وله وقفة ٍ بين القبايل طيبة=موفق ٍ للصلح ذرب لساني
ألاد عامر وآل مسفر تبعه=وأنظم له من غيرهم عرباني
قلته وأنا من لابة ٍ محسوبة=دعوا الجبيري في اللقا ظفراني
حنا أكلب الهيلا دروع حمانا=أفعولنا تمشيبها الركباني
بوقت ٍ مضى كله حروب وشدّة=مانشتكي من خصمنا ونعاني
حريبنا مايهتني في نومه=يعيش دايم خايف ووجلاني
أسود غاب ٍ تحتمي غابتها=ويكرمون ضيوفهم والعاني
وجار الحدود نقدّره ونعزّة=ولانعدّه فارس وقوماني
إلا ليا منه تعدى حدّه=فحنا كعامه في اللقا وعناني
نرسي كما ترسي رواسي جباله=ونموت بالعزّة ماناب ذلاّني
وكل القبايل ماخذين البيضا=فيهم كريم وفيهم الشجعاني
واليوم في حكم الذي وحدّها=عبدالعزيز مطوّع العصياني
وحّد قبايلنا على شرع الله=بعد العداوة عودوا صدقاني
وختامها صلوا على سيّدنا=اللي دعانا بحجة وبرهاني

[حوريه]

الشاعر شجاااع ..

صح لسانك مدد لا عدد

قصيده رائعه وجميله من شاعر

رائع ومتمكن

أجمل المنى مع التقدير

00

[سناعيس]

الله الله
ياسلام عليك ياشاعرنا
صح لسانك ياشجاع
وبيض الله وجهك

لاهنت

تحياتي

[منيع]

ابيات رائعه ومعبره
بارك الله فيكم
تحياتي وتقديري

[الطامي]

شجاع
صح الاسنك ملايين
رائعة جدا
انت تقول وهو يستاهلون
شكرا لك

[عمر ال شيبي]

لا هنت ابد صح قلبك

مشكور

[همس الورد]

صح لسانك مليون

وصح بدنك

بوووووح رائع

يسلمووووووووووا

[نفحات حساسة]

صح السانك اخوى
ولاهنت
ابيات رائعه كروعتك
يعطيك العافيه,,تحياتى

[عدنان كريزم]

صح لسانك يالغالي ولا هنت ع الجزاله