من يقول الصقر نشويه قل ما ينشوي

[احمد الكثيري]

السلام عليكم ورحمة الله وبركاته



هذه الابيات ارسلها لي احد الزملاء رسالة جوال واعجبتني في اسلوبها

ومضمونها وهي :.

راحت ايامي في رجا كلمة تعال=واليالي علمتني بمعنى كلمة خوي

اليمين اليوم صارت تحداها الشمال =حرة بالصدر توجع وقلبي منكوي



وقد جاريته بهذه الابيات المتواضعه التي جاشت بها قريحتي اتمنى ان تنال اعجابكم




(( انت نبراس ))

بسم من ارسى بحوره وكونه والجبال =الوحيد اللي تعلى بعرشه مستوي
أبدا وارحب عدد كثر حبات الرمال = واعدد من كان عطشان من زمزم روي
مرحباً بك يا خزاعي لو حمولك ثقال = مرحباً مليون تشبه تراحيب بدوي
وانت في هالكون لا لا تزيد الانفعال=استعن بالله وايمانكم خله قوي
هالزمن ماينفعك فيه لاعمٍ وخال = عايشين بخير في الكون ما بتنا طوي
من يجمع مال ياخي مصيره للزوال= وعند خلاّق البشر كل خلق الله سوي
اطلب الله وصل فرضه ولله الكمال = احذر لا يغويك طيشك مع منهو غوي
انت في هالكون نبراس يضرب بك مثال =من يقول الصقر نشويه قل ما ينشوي
ماعليك من السواليف واهل القيل قال= ماسمعت بزوبعة بن نجاد وموسوي
يافهد في كل الاوقات عندك لامحال=ارسل المضمون هات الخبر ما يحتوي
دق بالجوال وابشر باخوك ابو جلال=نكوي قلوب العدى لوبعد ما تنكوي
كم رجالٍ همها تاكل لحوم الرجال=ماقرت ذكرالله ويا الحديث النبوي

اخوكم ومحبكم ابو جلااااااال



لكم تقديري ووافر شكري

[الطائر المهاجر]

صدى من شاعر متمكن
صح لسانك واعتلى شأنك
لاهنت
تحياتي وحترامي

[حي الضمير]

صح لسانك وعلا شانك
قصيده رائعه وابدعت يامميز
أجزل التحايا والاحترام

[احمد الكثيري]

المشاركة الأصلية كتبت بواسطة الطائر المهاجر

صدى من شاعر متمكن
صح لسانك واعتلى شأنك
لاهنت
تحياتي وحترامي

هلا وغلا يا ابو عبداله شكرا لمرورك الجميل
لاهان راسك يابعدي
لك فائق الاحترام والتقدير

[عبدالله مذكر العقيلي]

بيض الله وجهك

ابيات رائعه

صح لسانك

والله لايهينك

[سعيد مقبل الأكلبي]

صح لسانك وبدنك يابوجلال

[الخنساء]

هالزمن ماينفعـك فيـه لاعـمٍ وخـال

عايشين بخير في الكون ما بتنا طـوي

من يجمع مال ياخي مصيـره للـزوال

وعند خلاّق البشر كل خلق الله سـوي

اطلب الله وصـل فرضـه ولله الكمـال

احذر لا يغويك طيشك مع منهو غـوي

انت في هالكون نبراس يضرب بك مثال

من يقول الصقر نشويه قل ما ينشـوي

ماعليك من السواليف واهل القيل قـال

ماسمعت بزوبعة بن نجـاد وموسـوي

يافهد في كل الاوقات عنـدك لامحـال

ارسل المضمون هات الخبر ما يحتوي

دق بالجوال وابشر باخوك ابـو جـلال

نكوي قلوب العدى لوبعد مـا تنكـوي

كم رجالٍ همها تاكـل لحـوم الرجـال

ماقرت ذكرالله ويـا الحديـث النبـوي

صح لسانك مليون ولايككفون

قصيدة جزلة من شاعر جزل

وانا اشهد انك صادق فقد ترجمت الواقع

سلمت ودام حرفك

سلمت ودام حرفك

[داعي الشوق]

صح لسانك يالشاعر ابو جلال

صدى جميل

و جزل في المعنى و المضمون

صح لسانك

مدد بلا عدد

تحيتي لك

،،،،،،،،،،،،،،،،،،

[جلال ابراهيم الصبيح]

صح لسانك واعتلى شانك....قصيدة جزلة من جزل....جميلة جدا....لا هنت....دمت بخير.


عاشق دمشق

[زهرة اللوتس]

صح لسانك وعلا شانك
قصيده رائعه
وابدعت يامميز
أجزل التحايا
والاحترام