للأخت سارة الخنيزان

[ماجد الزيد]

قضيّة أمّة تبلورت باستغاثات سارة الخنيزان
وأبنائها تركي و لمى ونورة وأروى ورُبا

[SIZE="5"]
بدون خلفية موسيقيّة

يا حرّتن صاحت ما تحت خْمارها =اسْمعتها تنخى وليتي جارها
يا هند هذا الشّيب تحتَ عِمامتي=فجراً منيراً بعد ليل ٍ زارها
من حرّة بالقلب يا هند ٍ لمع = وشهب النيازك وسْط راسي دارها
يا هندُ صيحي للعروبة بالعرب =ستين عام ٍ مقطّعات ازرارها
قطّوا كلاب الرّوم عنّها ثوبها =وفحولها ناموا وهي في نارها
يا وجدّ حالي وجد شيخ ٍ ملّهد=امّبتّر السّاقين عنّ كرّارها
لا صاحت الحرّه ولا لبّى ابْشري=نار النّخاوي بالكنين زْعارها
قلبه تفحّم من لهايب حرّها=ابطى وهو ما قد خذى في ثارها
الله على وقت الفخر كانه جهل!=يوم العبيّة والفخر بغْبارها
يوم الجزيرة لو تصيح المسلمة =سبع القبايل فوق قبّ امهارها
الشّمس تشرق عن سيوف المرجله=والسيف ينبي من قرب لستارها
ولّي خلوجن في ضلوعي حنّها =ترغي من اللوعات موت حوارها
فكّيت عنّها ضلوع صدري ودرهمت=والعيس ما تاقف قبل مشوارها
هذي خلوج ٍ جت تجاوب شارفه=ادموعها هدّاجن (ا)مْن ابارها
صوتن وصلني شقّ تسبدي فتّها=طحنة عجوزن بالرّحى لبذارها
ساره على اسْماع الخلايق تنتخي=بشيوخ نجد ٍ كان نجدن دارها
صكّوا على حميدان بالحبس و مضت=من دارهم قفّت تجرّ صغارها
افروخها يوم الفروخ (ا)مْروّعه=من هجمة نسور ٍ وهي باوكارها
الحرّ في شبكه ويرقب للفضا =وتخيل ِ له شيهانته بطيارها
حرّن يشربك والدجاج اتْشرْبكه=والليث عاني في سلاسل فارها
آبنتخي شيخ العروبة كلّها =الي بطوعه تستجنّ انمارها
فكّاك عوق الذّيب لامنّه قنب=رداد جنّ الغرب داخل غارها
لزّاز خيل ٍ لا دحم بْكحيلته=خلّى نواصيها متحت احفارها
الي ليا كبرت .عليه اشْهونها =لا قام ما والله تضرب طارها
ايفكّ ابن تركي ويُسْعد حِرّته =الي تنخّت يُوم طب جدارها
ياكبرها من وصمتن لو ما طلع=ادهور ما والله يجلى عارها
قولوا لساره ذا جواب الخالدي=وش حيلته إلا يذيع اخبارها
لو عوّدت يابنت نجد ٍ للورى =فزّعت قوم ٍ ساطين بتّارها
لاكنّ حالي حال شيخ ٍ ملّهد=امّبتّر السّاقين عنّ كرّارها
الموت ارحم له ولا وقت الخنا=بليوثنا الكفّار ساد حمارها

[الطامي]

رائع يالزيد
جزاك الله خير
والصور خير شاهد
صح السانك وبنانك
جزلة وطيبة كصاحبها
شكرا لك

[زهرة اللوتس]

ماجد الزيد
سلمت وصح لسانك
جزلة من شاعر جزل
لاهنت وبيض الله وجهك
تحية طيبة

زهرة

[حمود السكراني]

ماجد الزيد صح لسااااااانك قصيدة

تحاكي قضية سلمت وسلم بوحك

[داعي الشوق]

صح لسانك يا بو حمد

شاعر و معاشر لاحداث العالم و المجتمع

سلمت يا بوحمد

وصح لسانك مع التقدير

،،،،،،،،،،،،،

[عدنان كريزم]

صح لسانك يالذيب


لا هنت

[!!فريده الحرف!!]

صح لسااانك مااجد الزيد

ولاهي جديده عليك الابدااع

داايمن مبدع

تقبل طلتي

[منيع]

رائعه ومؤثره
وماجد غير
لافض فوك
تحياتي لكم

[حوريه]

قضيه وقصيده مؤثره جدا

ابدعت يااامبدع

صح لسانك مدد بلا عدد

تحيااااتي

[سعيد الصاعدي]

الاخ الفاضل / ماجد الزيد
صح لسانك لاهنت
نص شعري رائع جداااا
من شاعر جزل
تسلم ويسلم فكرك يالغالي
تحياتي
أخـــــوك
س / ص