نادو ترانيم المطر بالسجلات

[نجم الإبداع]

ياشاعره تعزف على جزل الابيات=لابداعها مالوم لوفة رميتي
ياعاليه هات القوافي الجزيلات = مادام جاء بالطيب جزلان بيتي
جيتك على وضح النقاء دون لفات=قدام خلق الله وطفيت ليتي
جيتك ملاحم واليالي مريرات = جيتك حروف القافيه والخبيتي
يافكر ماشابوه كيد الغريرات=شعرك يناسبني وانا وسط بيتي
تنظم بديع الشعر لاهل عبرات=بكى القلوب وسعدها لاهويتي
والفخر لك بالشعر يابنت صولات=والرمي صايب منك لامن رميتي
جاريت شعار القوافي بما فات= واليا مشينا الدر ب قالو المبيتي
وانا على المسرى طويل المسافات=مامل من مسراه لامن سريتي
قلت انص ياقافي حروفٍ بريعات=عند الفريده شعر ذيّاع صيتي

[داعي الشوق]

صح لسانك يا فلاح

إبداع جميل

كما إعتدنا الجمال منك دائما

،،،،،،،،،،،،

[ناصر عبيد الهواوي]

لا هنت ياشاعرنا
حديثك ذو شجون وله بقية
ولي عودة ان شاء الله

[نجم الإبداع]

المشاركة الأصلية كتبت بواسطة داعي الشوق

صح لسانك يا فلاح

إبداع جميل

كما إعتدنا الجمال منك دائما

،،،،،،،،،،،،

ارحب يابو سعد
صح بدنك شاعرنا
والابداع هو توقيعك الجميل

ومرورك المهم

لاعدمتك

[نجم الإبداع]

المشاركة الأصلية كتبت بواسطة ناصر عبيد الهواوي

لا هنت ياشاعرنا
حديثك ذو شجون وله بقية
ولي عودة ان شاء الله

سلمت ياناصر
وحضورك لبقية الحديث يسعدنا

شكرا لمرورك الكريم

لاعدمتك

[ترانيم المطر]

حييت يا شاعر تحدا الصعيبات = لا يا بعدحيه وحيّي وميتي
القاف جاني يابن منشار بالذات = طربان من يمك يدور المبيتي
غيمة حزن غطت جميع المدارات = تسمع صداها جاوب الورق هيتي
برهان يمحي لي جميع الخيارات = يقول انا كتبت وانتي قريتي
والوضع سايد والمعاني غزيرات = والكايد أبلغ بعت ولاّ شريتي
ابعد عن الأنذال وأنصا المروات = لا تقول لي يا عاليه ما نسيتي
اعرفك شهم وباينن بالعلامات = سليل قوم ومن نصاكم يبيتي
والعرف ما يؤخذ علينا بحيلات = انا فطينه لو تقولو غفيتي
والطيب عنديله يدينن سخيات = ولاَ للردا عندي لعله وليتي
ولي درب باين ماتغّيره الأوقات =أقيّل في عزه وعزه مبيتي

[داعي الشوق]

صح لسانك يالشاعرة ترانيم

صدى سريع

ما شاء الله عليك

و جزل و وافي ،

شاعرة صاحبة إبداع رائع و جميل

صح لسانك مع التقدير لك

،،،،،،،،،،،،،،،

[زهرة اللوتس]

شعراء مبدعين
صحت السنتكم
وبيض الله وجوهكم
سلمتم
تحية عطرة

زهرة

[عبدالله السويلم]

صح لسانك يافلاح
وتستاهل ترانيم
الله لايهينك ياشاعرنا
تحياتي لك وللجميع

[سناعيس]

الله الله
ياسلام عليكم
فلاح بن منشار و ترانيم المطر
فطاحلة نفتخر بكما
والكل منكم صح لسانه

تحياتي