مشاركة شاعر العرب !!

[عادل العتيبي]

اتشرف بان أضع بين أيديكم القصيدة التي شاركت بها في الحلقه الاولى من برنامج شاعر العرب للنسخة الثانية في دولة الكويت

ويبدوا ان أحبائي قله لذلك لم يمهلني التصويت كثيراً رغم حصولي على المركز الرابع بتقييم اللجنه من بين 12 شاعر

ودي أبيّن ماطرى بالمختصر وأيضا المفيد=مير البلا من هاجسٍ أمسى يجر لحونها
لا قلت له أنت أكتفيت ؟ يقول لي هل من مزيد!= رسالته ترقا سما في مايلي مضمونها
سلام يادار الكويت اللي لها مجدٍ تليد=مجدٍ تعلّق في سماها وأستباح حصونها
لها مكانه وسط قلبي من وريد أليا وريد=والله هو العالم بنيات العرب وضنونها
مقدارها بقصى الضلوع العوج ماينقص يزيد=هي ثابته في وسط قلبي والضلوع تصونها
ولها مكانه في ضميري لا تحيد ولا تبيد=لو بادت قلوب الرجال وبيّحت مكنونها
كل(ن) يبادلها المعزّه من قريب ومن بعيد= وألها جمايل وافيه والناس ما يحصونها
جيت أتغزل في هواها وانظم أبيات القصيد=يالين أقنّد راسها وألمح بياض سنونها
وأهيم في وادي غلاها وأنظم العقد الفريد=وأعلّقه من فوق هامتها وفوق متونها
لو عنقها ماهوب عنق وجيدها ماهوب جيد=مير الوكاد إنا نبيع اعمارنا من دونها
أنعز جانبها ليامن لوّح الوقت الشديد=ناقف لها لا ركبتْ الجمرة على غليونها
إي والله الليله تمام / وحظي الليله سعيد=اللي روماني يمّها وأصبحت أنا ممنونها
يومٍ قضيته بأرضها عندي يساوي يوم عيد=لفيتها من ظمن ناسٍ من غلا يلفونها
على رواسي والعرب قالوا نفيد ونستفيد=وأن قاله الله تستقيم أوزانها وفنونها
مدام عندي للهقاوي شوح وعزومي رصيد=وأليا بغيت أكحل هدبها ماعميت عيونها
رد النظر وأبشر لك بصيدٍ ماهوب أيّات صيد=من شرد(ن) واضح صداها والعرب يوحونها
وانا زهيد بهذي الدنيا وابتركها زهيد=ماعشت لأجل ريالها وإلا لأجل مليونها
وآخر كلامي قلتها وأقول وأكرر وأعيد=أليا بغيت أكحل هدبها ماعميت عيونها

أخوكم عادل محمد العتيبي

[همس الورد]

الشاعر عادل العتيبي

صح لسانك

و صح بدنك

قصيدة في غاية الروعة

تحيتي و تقديري

شاعرنا العزيز عادل العتيبي

صح لسانك ..وجاد بيانك

قصيدة جزله من شاعر جزل متمكن

ويكفي هالبيت عن التصويت ..وانت تقول :

مدام عندي للهقاوي شوح وعزومـي رصيـد
....وأليا بغيت أكحـل هدبهـا ماعميـت عيونهـا

هذا الرصيد الحقيقي وهذا التصويت.

تحياتي لك يالغالي

ودمت برعاية الله

عادل العتيبي

صح لسانك

قصيده اتسمت بالجزاله والابداع

لاهنت

تقبل أصدق الود

[داعي الشوق]

الشاعر عادل العتيبي

الحمد لله على السلامة

وين الغيبات يالغالي

و صح لسآآآآآآنك أيها الرائع

شاعر جزل

لك أسلوبك الخاص الذي لا يتقنة إلا أنت

قصيدة جزله

و رائعة

كما أنت دائما

صح لسانك

مدد بلا عدد

تحيتي لك مع التقدير

[سناعيس]

الشاعر عادل العتيبي
صح لسانك وبيض الله وجهك
قصيدة جزله ورائعه
والمسأله ماتخضع للشاعريه في مثل هذه البرامج للأسف
بل تخضع للتصويت وهذا خطأ
ولو كانت للشاعريه أنا متأكد بأن هذه القصيده سوف تحتل الصداره
عموما ماقصرت ويكفي تأهلك بقلوب محبيك
لاهنت

تحياتي

[الصريح العتيبي]

عادل العتيبي

صح لسانك واعتلا شانك

لاهنت على هذه الشامخه

دمت بخير حال

[وليدالبسطي]

الشامخ

عادل العتيبي



صح لسانك وعتلا شانك


نص شامخ من شاعر شامخ



تحياتي وتقديري


اخوك

وليدالبسطي

[مبروك بن ماضي]

اخوي المبدع
الشاعر / عادل العتيبي
الف صح لسانك على هذه الرااائعه .
رائعه من روائعك تشرفت بمصافحتها
سجل اعجابي وتقبل تحياتي

[حي الضمير]

نص رائع وابدعت ياعادل
وملياااااار صح لساااااانك