بالله ما معكم ال هالعود مرداف

[ناصر عبيد الهواوي]

سبحان من يأمر بنون ٍبعد كاف=يامقسم با للوح والنازعاتي
إنك تكافينا المصايب والأتلاف=وتجعل جميع اهدافنا سامياتي
ياهاجسي نمت وعليك الزمن طاف=مابك جديد وتبعث المرمساتي
شعشع بذيلك بين سايس وعساف=واسمع صهيل الضبح العادياتي
الجو غيم وطامعينٍ بمصياف=رشة مطر ورعودها مرزماتيي
ياهل الركاب اللي هجاهيج وخفاف=ليل ونهار امع الخلا مرملاتي
بالله مامعكم ال هالعود مرداف=شيلوه والا اخذوا بداله وصاتي
حرايرٍفيهن تكلف تكلاف=اعقود الذهب بارقابهن زاهياتي
بيضٍ ثناياهن كما الول وارهاف=هيف الخواصر نعمٍ مترفاتي
كسيتهن بالخز سافٍ على ساف=بافخر حرير وكنهن عارياتي
ودوهن اللي منزله يم الأسياف=لو دربكم ما كان يمه مواتي
الزيد بن راجح بناً بالفخر ناف=بالعز سوره والعمد شامخاتي
رجلٍ له الجزلات تسند وتنضاف=تفخر لااضيفت لاسمه الطيباتي
يشقح طويق وكنه معدٍ اسناف=وانا اتخثع لو طمرت الحصاتي
كعن بنات الفكر بحماه وقاف=مبنىً على معنى فصيح وطراتي
فرحت يوم ارسل حسينات الأوصاف=الفارعات الفاخرات النواتي
موشمات مخضباتٍ للأطراف=مكملات مجملاتٍ عواتي
ماهي سوالف من يخذرف تخذراف=خسارةٍ فيهن تراق الدواتي
فرحة سجينٍ ميسن شاف ماعاف=اوجب عليه القتل حكم القضاتي
قادوه في ثقل الحلق يرسف ارساف=ولووا يديه إخلاف ومكبلاتي
ومبركٍ بين العساكر وسياف=فيهم اعيونه شطحن طايراتي
اثبت عليه الجرم خمسين حلاف=مير الفرج من والي العرش ياتي
امه وابوه اكبار بالسن وضعاف= ولاله اعيال وعنده اربع بناتي
وجاه الذي للخير راجي وعراف=يطمع باجور من الله مضاعفاتي
نادا عليهم كفوا السيف انا عاف=واطلق يديه وجز منه اشعراتي









ص

[رفيعة الشان]

الله الله
والنعم بك وبمن ذكرت
قصيدة واافيه وجميلة
فصح الله لسانك مليون

ولاااهنت

[الطامي]

الهواوي
صح السانك مليار
وافية وجزله
رد عجيب بمعنى الكلمه قاف ومعنى ومراسيل
ابداع وتفنن في النظم لافض فوك اخي
وابن راجح يستاهل
لاهنت

[عذب القوافي]

نص من العيار الثقيل

الجزل م ناصر الهواوي

بمجرد مرور إسمك

أعرف أنني سأطلّع على نص عالي

صح لسانك مليار

تقديري ,,,,,,,,,,,

[حوريه]

ناصر
صح لسااانك مليووون ولا يكفووون
قصيده جزله من شاعر جزل
دمت ودااام حرفك ونبضك
ولا هنتـــ................
.

[داعي الشوق]

صح لسآآآآنك يالشاعر ناصر الهواوي

أوفيت و كفيت و لا قصرت

و راع الفعل الطيب يستاهل الطيب

و ألف نعم بمن ذكرت يا ناصر

و جزاه ألف خير

دمت بخير يالهواوي

و صح لسآآآنك

،،،،،،،،،،،،،،،،،،،،،،،،

[الطائر المهاجر]

اشهد بالله انك بحر متلاطم
وش اخذ وش اخلي
كلها درة ثمينه
صح لسانك مليار ولا تكفي
ولاهان راسك
تحياتي الطيبة

[عبدالعزيز العقيدي]

صح اللسان
الشاعر
وربي يجزي من عفا عن أخيه خير الجزاء
تحياتي لك

[عبدالله راشد الثويني]

لله درٌك من شاعر مروٌض للحروف
أبدعــــــــــــــت وامتعتنا بهذا النص الشامخ
صح لسانك مليووون ولا يكفووون
طامعيــــــــــــــن بجديدك
تقبل وُدي

[محمد عبدالله البدراني]

ناصر الهواوي

سلمه الله


مليون صح السانك


وعلا شانك يابو عبيد



ولافض فوك



تحيتي وتقديري