28-02-2009, 12:33 AM
|
رقم المشاركة : 1 | ||
|
|
البدراني =
من خاطرن مسفهلي =ياهيه يافلان ياللي لاجيت اسلم واهلي = واقول مامن خساره وان كان قصدك شناعه = بالسوق تلقى البضاعه ويكون عندك قناعه = واقول مامن خساره
الطاائر =
ياراس ياراس ياللي=من التعب امتدلي ولاهوب راضي تسلي=فوقه تلاقي مطاره عود يمدد كراعه=في الحكي مامن براعه لو هو غسل في شراعه=فوقه تلاقي مطاره
البدراني =
من طيب ذاتك وذاتي = انعدل المايلاتي وعلى النبي الصلاتي = واقول هذي تجاره وكل يعود لمرباه = والخير والشر تلقاه مع كل رجال وانثاه = واقول مامن خساره
الطاائر =
هذا بلاك وبلاتي=كل لهمه مواتي حافي بليا جواتي=والورد فيه اصفراره البطن لامن تعباه=النوم بالفور يبغاه مالي عناق ولا شاه= والورد فيه اصفراره
البدراني =
الكل عارف وداري = ومابين بايع وشاري الوضع ماهو جباري = واقول مامن خساره اعنيك انا ماعني الغير = من فيه شرٍ بلا خير ماحاز لأيات تقدير = واقول مامن خساره
الطاائر =
الوضع كله تجاري=والسيل لازال جاري تحت التبن والكباري=والصيد صيد الحباره مالي بضب ولا طير= مانيب من راهب الدير حتى ولو اخلف السير=اصدم بأقرب عماره
البدراني =
ياشيخ يومني اغليك = من شان مافيك تشكيك لكن عسى الله يقديك = واقول مامن خساره لكن خذها صراحه = بعض الصراحه بجاحه والفعل يكلل نجاحه = واقول مامن خساره
الطاائر =
لانيب كاش ولا شيك=حالي نحف كالمساويك كل بفكره يخاويك=قبطان ضاع ببحاره اطلق لفكرك سراحه=والصدر فيه انشراحه والعب بذيك البراحه=وكل يعرف لمساره
البدراني =
من عق في والدينه = بكره يعقه جنينه والنار ماوى جبينه = واقول هذي الخساره والا انت عندي مكانك = مايختلف لو بنانك يخلف مكانه وشانك =واقول ماخلف مساره
الطاائر =
برحي وتسمع باذانك=اطلق لفكرك عنانك واربط بجد حصانك=والعقل فيه افتكاره
البدراني =
ياعود مانته هاك العود = اشوف ماعاد بك فود ومن صاحبك صار مقرررود = وهذي ترى اكبر خساره
الطاائر =
صادق وبالصدق معهود= العود كالهرش مطرود فالكبر بالحيل منقود= راح العمر ياخساره يالشايب اللي بلا شيب= عداك ياعايض العيب من دون شك ولا ريب=اركب معي في الغماره اما انت برحي ببرحي=نزفك يثور لجرحي لعل اشوفك بفرحي=لامن تركت القشاره
البدراني =
يالطاير اللي بلا طير = يومن غزتك المغاتير مايقبلنك غنادير = واقول مامن خساره ياليت ترجع لنا صبي = وافرح بشوفك والبي وتنحب وانته تحبي = واقول مامن خساره
الطاائر =
انا طوير بلا ريش= مانيب ماكل معك عيش مغير اهوش بتهويش=راح العمر ياخساره
البدراني =
والله دينٍ باثر دين =انك تساوي ملايين وقدرك على الراس والعين = واقول هذي تجاره
الطاائر =
ضب يتقلب على بطين= فيه الدهاء ماهو خافين يلعب وفي يده سيفين=وانا انطل حجاره
ابو شيبه =
ابشر والله وابرك ساعه=طبعي عاشق للشجاعه صاحبك وتعرف لأطباعه=حر وتكفيه الأشاره
البدراني=
لاشفت لك زول يازول = لاترتجي منه معقول وتصير تشبه لبهلول = واقول مامن خساره الحسد والحقد عنوان = لانسان فاشل وخسران والطيب من ساس بدران = واقول مامن خساره
الطائر=
كلٍ به انسان وشيطان=والفاضل اللي به إيمان وزود الحكي مثل نقصان=ومن قال انا ياخساره
البدراني =
مافيه انسان معصوم = من الخطاء دايم الدوم لكن لاتكثر الحوم = واقول مامن خساره
الطائر =
تفاءل الخير تاجد=والشر خليه هاجد كلٍ به طبوع واجد= والعقل زين مداره
البدراني =
كل السبب من سبايبك = وياكثر والله مطالبك ياعود هذي مصايبك = صارت علينا خساره
الطائر =
العنز لاجات تعمي= والنفس بالشر تظمي وانا عويدٍ وعظمي= هش ولا به جباره
البدراني =
ضيعت وقتي معك ليه = مادام صاحبك ترميه وكلن غدا مايدانيه = واقول مامن خساااااره
الطائر =
كل عن النفس مسؤول=والسر لازال مجهول وعرضه بلا سيف وطبول=ماهيب عرضه خساره
البدراني =
لكن تراني تعلمت = اني حقيقه تحلمت احسبك مايوم سلمت = وراحت حلومي خساره
الطائر =
شوزن اذا من تصوب= تخطي الهدف ماتهوب وكلٍ بفعله يثوب= وراسي بري من قراره
البدراني =
تدري وش اكبر مصيبه = يغريك شخصٍ بطيبه وتصير تدفع ضريبه = واتقول مامن خسااااره
الطائر =
سلمت امري لربي= عود ولو تاه دربي لاني عتيبي وحربي= عقلي معي والإداره
البدراني =
انته تميمي تميمي =تقول والله عليمي وهذا القرار السليمي = واقول مامن خساره وحرب وعتيبه شبابه = عز وشموخ ومهابه ومن زارنا مرحبابه = يبشر بعز وجساره
الطائر =
ماخبر فيكم ذرابه=كل يغطي جرابه يخاف يسرق زهابه=راح العمر ياخساره
البدراني =
قالو لي الناس ظلام = الطير واحيان حجام واحسبتها اضغاث احلام = لكن حقيقه خساااااااره وقالو وقالو وقالو = لكن مايوم طالو واليوم صالو وجالو = واقول مامن خساره
الطائر =
مالك بتفكير الازلام=انظر لفوقٍ وقدام ولا ترتجي تعبد اصنام= بدينك تلاقي الطهاره
البدراني =
التجربه خير برهان = واقول ياطير برمان بكره تبا تشوف الاعيان = واقول مامن خساره
الطائر =
الناس ياناس للناس=من دون صعب ولا احساس الكل معدن كالالماس=وكل على ايقاع طاره
البدراني =
مادام هذي رموزك = لك برتقالك وموزك واقول لك مش بوزك = ياكبرها من خساااااره صحيح هذي طبوعك = لكن تهنا بجموعك وخسران من هو بطوعك = ويستاهل اكبر خساره
الطائر =
ارسل نشوف لبريدك=يمكن نعيد بعيدك لامن لبست لجديدك= فيك الحسن والبهاره
البدراني =
طبعك واعرفه ترى زين = كم قال لي شخص بعدين بكره تبا تشوف بالعين = واقول ماهي خساره الطيب ساسي ومجناي = وبالصدق والعز مبداي يالي تزمر مع الناي = ان كان عندك نعاره
الطائر =
من سمع للقال والقيل= يحتاج ثبتٍ وتدليل من قبل مايهد للحيل=وكل يفسر بخاره
البدراني =
خذها من الراس للراس = ماهي سواليف الانجاس اموادعك حان لاباس = وماهي ترى اكبر خساره
الطائر =
ساسك ولا قيل به شي=فاربط حزامك على الطي ولا تقول هذا ولاهي= ضبط وربط بمهاره
البدراني =
اسلم وسلم حبيبي = وعنواني بكل طيبي تعاملي مع صحيبي = وماقول والله خساره
الطائر =
فاهم غلط كيف افهمك=اركد قبل ما اكلمك كبريت ربي يسلمك= النار تبدا بشراره تبعد بفكرك على لاش= تبي عذر شان تنحاش تحتاج دش وترواش=تفهم بلا اية اشاره
البدراني =
ماهو بانا اللي يعلمك = يابوي الله يرحمك انا تراني ملازمك = وماهي لمثلك خساره
الطائر =
آقول الله يمصلك=عنزك اذا جات تنصلك وتعصف براسك وتفصلك=ماعاد تدري النظاره
البدراني =
انا معك خيرٍ وشر = على النقا ماتغير حاضر وللطيب نذخر = واقول مامن خساره
الطائر =
اركد عسى راسك الطير=ينقرك يدمي المناخير
ترى العجل يخلف السير=يصدم بعير او حماره |
||
|
|
28-02-2009, 12:48 AM
|
رقم المشاركة : 2 | |||
|
طائرنا المهاجر |
|||
|
|
|
28-02-2009, 12:57 AM
|
رقم المشاركة : 3 | |||
|
آخر تعديل رفيعة الشان يوم 01-03-2009 في 02:45 PM.
|
|||
|
|
|
28-02-2009, 01:10 AM
|
رقم المشاركة : 4 | |||
|
الله الله يعطيك العافية يا موج القصيد على النقل الجميل وصح لسان الطائر ولسان البدراني شعراء كبار من الوزن الثقييل تحيتي للجميع ،،،،،،،،،،،،،،،، |
|||
|
|
|
28-02-2009, 03:04 AM
|
رقم المشاركة : 5 | |||
|
الطائر المهاجر |
|||
|
|
|
28-02-2009, 08:27 AM
|
رقم المشاركة : 6 | |||
|
صح السنتكم |
|||
|
|
|
28-02-2009, 10:20 AM
|
رقم المشاركة : 7 | |||
|
شكرا ياموج على نقل المحاوره |
|||
|
|
|
28-02-2009, 10:21 AM
|
رقم المشاركة : 8 | |||
|
تسلم يابو فايز |
|||
|
|
|
28-02-2009, 12:06 PM
|
رقم المشاركة : 9 | |||
|
انا ماشوف الا سكود عساني غلطان,, |
|||
|
|
|
28-02-2009, 12:34 PM
|
رقم المشاركة : 10 | |||
|
الله الله |
|||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
محاوره من نووع خااص : الطاائر ،، البدرني
